{ SKIP }
文:MenClub 波特先生  圖:互聯網
POSTED ON 09 Aug 2017


喺中國內地,侵權事已經見怪不怪,咩野都可以「炒考」下,就好似「籃球之神」Michael Jordan嘅籃球品牌Air Jordan,喺大陸就有喬丹體育;有黎自美國嘅New Balance,喺大陸就有New Barlun。後者都係首先喺中國大陸註冊商標,然後前者先進入中國市場進行註冊,但其實好明顯都係後者抄襲左呢啲外國公司然後搶先喺中國註冊,就係咁佢地就成功喺中國成為「正版」,而後者就因此甚至被調轉頭告侵權。



除左以上兩個著名外國品牌之外,喺1996年成立嘅體育品牌Under Armour係近年上升幅度最快嘅公司之一,而喺大陸就有一間叫做Uncle Martian嘅公司喺2016年出現,無論商標、公司名稱都同Under Armour如出一轍,最後連政府亦都應可呢間公司成立,實在令人難以置信。


不過對於呢種明顯嘅侵權行為,Under Armour並無坐視不理,當佢地得知有Uncle Martian嘅出現後,已經第一時間入稟法院控告對方侵權,並要求對方賠償1500萬美元。經歷左一年嘅審理後,法院終於判定Under Armour勝訴,Uncle Martian侵權罪名成立,需向對方作出30萬美元嘅賠償,並且需要即時銷毀所有侵權物品以及發公開聲明進行道歉,咁樣代表Uncle Martain將會正式關門大吉。


今次中國法院嘅判決絕對係大快人心,因為咁明顯嘅侵權問題都可以視若無睹,真係難以令人接受。如今Under Armour嘅勝訴,希望可以令到中國內地嘅侵權情況可以收斂一下,亦都可以做殺雞警猴,令一啲想抄襲外國公司嘅人唔再可以名目張膽咁行動。


我很想打籃球呀!!
hobby
【永不放棄的人】三井戰山王工業籃球鞋登場!
20 Jul 2018
帕奎奧超越年齡再次登拳王寶座!
hobby
【超越年齡界限】菲律賓拳王帕奎奧39歲再登世界拳王寶座!
20 Jul 2018