{ SKIP }
文:MenClub 魏文青  
POSTED ON 13 Aug 2017
呢啲咁嘅天氣,男人最棹忌係個身有汗味,尤其如果你成日要喺戶外跑黎跑去,呢個衛生問題就更加不容忽視——或者成日喺條街到揈黎揈去嘅Spider Man都係咁諗,加上《Homecoming》終於喺日本上映,所以Bandai就出咗支蜘蛛俠香水!


咁究竟蜘蛛俠香水係咩味嘅呢?根據Bandai嘅文案,係「破風而過,於建築物之中自由自在飛黎飛去嘅清涼感」,實際上就係檸檬、柑橘為主軸,配上白檀、麝香、橙花等味道。講就咁講,不過大家睇字都唔會知佢其實係咩味,所以不如講返啲大家見到嘅嘢,即係個樽。樽身嘅紅色好明顯係黎自蜘蛛俠件戰衣,上面嘅紋章亦同蜘蛛俠心口嗰個一樣。蓋頂有一隻金屬色嘅蜘蛛俠,連埋個樽就有電影常見、蜘蛛俠於高樓大廈屋頂俯瞰整個城市嘅感覺。


講就講到好似好巴閉,但實際售價都只係3780Yen,即係270HKD左右,同市面其他香水差唔多。如果係蜘蛛俠Fans嘅話都可以一試。由8月10日起於日本Bandai網接受預訂,預計9月出貨。




估唔到相隔3年之後,拿度竟然可以再次重返世界一哥寶座!!
hobby
【相隔3年】「泥地王」拿度即將重返世界第一!
18 Aug 2017
Um.....有無人知McGregor究竟做緊咩呀....
hobby
【freestyle?】McGregor奇怪舞動雙臂,網上紛紛爆笑模仿!
18 Aug 2017