{ SKIP }
文:MenClub Mr.波特  圖:互聯網
POSTED ON 11 Aug 2017


今年夏天,足球轉會市場可以講係陷入瘋狂嘅程度,球員嘅轉會費上升至令人咋舌嘅高度,其中法甲豪門巴黎聖日耳門以2.2億歐元觸發巴塞射手尼馬嘅買斷合同條款,而英超豪門曼城則已經喺轉會市場入面投入左2.18億鎊,係英超球隊之冠。而各大聯賽入面,英超亦都係最瘋狂嘅聯賽,20支球隊合計已經喺轉會市場投入左10億鎊。




由於英超岩岩一季正式執行新嘅轉播合同,所以各支球隊收入大幅增加,而佢地亦因此將呢啲收入大幅投入轉會市場,各支豪門爭相收購球員,以加強球隊實力,所以黎緊一季嘅英超絕對會變得更加激烈。


照牌面宜家增左兵嘅曼城絕對係冠絕英超,而衛冕冠軍車路士、曼聯、阿仙奴、利物浦同熱刺實力亦都繼續非常強大,要估邊個可以拎到冠軍真係唔係咁容易,而除左冠軍佢地爭前四亦都絕對會鬥得難分難解。



咁究竟有咩方法可以預早透視一下新一季英超嘅情況呢?唔通又要靠動物預測?其實最科學嘅做法就係搵電腦遊戲Football Manager(FM)試一季就可以預測得到,因為呢款遊戲嘅數據可以話係最貼近真實的。


外國就有媒體真係用FM試左一次,以下係2017-18球季英超38週完結後嘅結果:


喺呢一次預測中曼城真係成功奪冠,而衛冕冠軍車路士就只能夠拎到亞軍,而曼聯就排名第三位,阿仙奴就再一次進入前四,上季亞軍熱刺就只能夠奪得第6名。



除此之外,熱刺射手哈利卡尼以27球連續第三季奪得英超神射手獎項,而曼聯嘅盧卡古同阿仙奴嘅拿卡錫迪則分別以23球同22球排名射手榜第2及第3位,而車路士重金收購嘅莫拉達則攻入左18球。


而英超年度最佳球員就由曼城球員奇雲迪布尼奪得,而阿古路同捷西斯嘅組合就為曼城合共攻入左35球。



再睇下榜尾,上季奪得英冠冠軍從而升級嘅紐卡素,喺預測入面只可以排第18位,所以會再一次降落英冠。




距離NBA開季仲有兩個月,各位球迷可能仲有排等。不過,每兩年舉行一次嘅歐洲籃球錦標賽即將喺8月底展開,希望可以幫大家止下癮。而其中有唔少NBA球星亦都會參戰,其中就包括馬刺西班牙老將Pau Gasol。現年37歲嘅Gaso ...
hobby
【老兵不死】37歲Paul Gasol國家隊熱身賽上陣23分鐘獨取21分!
22 Aug 2017
萬眾矚目嘅誇界別拳擊賽事「世紀大戰」仲有唔夠一個星期就會正式舉行,拳迷們係咪已經等到頸到長呢?呢場賽事雙方分別係49場「不敗拳王」Mayweather以及UFC終極格鬥雙料冠軍McGregor,賽事將會喺美國時間8月26日,亦 ...
hobby
【世紀大戰】Mayweather vs McGregor最後一週備戰情況係點?
22 Aug 2017