{ SKIP }
文:MenClub 波特先生  圖:互聯網
POSTED ON 06 Sep 2017

車路士作為英超衛冕冠軍,正常喺今夏應該大肆擴軍,準備喺新一季大展拳腳。但係最終藍軍並無向預期方向前進,雖然佢地都成功收購數名具實力嘅球員,但係賣走或外借嘅球員卻接近30名,令領隊干地處於接近無人用嘅境地。除此之外,上季助車路士成功奪冠功臣之一嘅迪亞高哥斯達,亦因為同干地關係破裂,導致雙方都陷於雙輸嘅局面。



本來哥斯達係上季車路士隊內嘅神射手,佢係藍軍前鋒線上最值得信賴嘅球員,但當賽季完結後,哥斯達卻收到黎自干地嘅短訊,內容指哥斯達並唔喺干地未來嘅計劃當中。其後哥斯達將短訊內容公開,二人交惡嘅情況亦因而公開,對於知道將被棄用,哥斯達要求車路士將自己賣比馬體會,並一直拒絕車路士嘅征召回歸球隊。可惜嘅係,由於價錢問題車路士未能喺轉會窗關閉前出售哥斯達,所以佢至今仍然係藍軍嘅球員。


就喺轉會窗關閉後,哥斯達仍然喺車路士嘅球員,因此佢知道呢個情況目前已經唔可以改變,為免自己黎緊半年都無波踢,又或希望能夠令車路士未來將佢賣走,有指呢位前鋒有意回歸車路士認低威,向球隊高層進行談判。


預計哥斯達將會同車路士高層會面,並向球隊認錯兼接受球隊開出嘅懲罰,但係呢一切相信都係被迫的,因為佢好大機會只係想車路士可以喺冬季轉會窗打開時將佢送走,而黎緊半年聽聽話話係必須的。



雖然干地同哥斯達關係已經破裂,但係如果黎緊半年有得用呢位前鋒,相信干地仍然會將佢派遣上陣,因為始終干地手頭上可用嘅前鋒並唔多,而哥斯達亦係一位具實力嘅前鋒。當然,前提係哥斯達上場真係會認真踢波,否則佢將隨時被雪藏半季,屆時馬體會仲會唔會買佢將成問題。


為紀念《機動武鬥傳G高達》播出30周年,官方日前宣布將於今年夏季推出全新外傳以及本篇結局後續故事,並由當年嘅動畫總監督今川泰宏回歸操刀! 1994年播出嘅《機動武鬥傳G高達》講述各個殖民衛星國家為 ...
hobby
【動漫】《機動武鬥傳G高達》宣布今年夏季推出全新故事
24 Apr 2024
MCU本年度唯一一部、而且被外間視為有望幫MCU「撥亂反正」嘅《Deadpool Wolverine》日前公開全新預告,由Hugh Jackman飾演嘅Wolverine終於登場。而近日有媒體人就表示,其實除咗Deadpool及Wolverine之外,電影仲會 ...
hobby
【影視】傳《死侍與狼人》隱藏兩大要角 「他」與「她」將會現身
24 Apr 2024