每到NBA新球季開季前，唔少媒體都會相繼推出佢地自己評出嘅百大球星排名，而往往這份排名總係會引發唔少討論，就好似當年嘅Kobe Bryant排名過低引發球迷批評，到今年Carmelo Anthony不滿自己的排名而爆粗，可想而知球員嘅排名無論喺球迷定係球星心目中都係相當緊要的。

10、Draymond Green（勇士）

上季數據：10.2分7.9籃板7助攻2抄截1.4封阻

雖然Green嘅球品可能仍有討論嘅餘地，但係佢喺比賽上嘅能力卻已經獲得一致肯定。雖然你可能會話佢係勇士嘅第四巨頭，但係如果心水清嘅球迷就會知道，Green嘅重要性甚至比Stephen Curry更高，因為失去Curry嘅勇士可能唔可以大勝對手，但係失去Green嘅勇士就可能會陷入輸波嘅境地。

9、Giannis Antetokounmpo（公鹿）

上季數據：22.9分8.8籃板5.4助攻1.9封阻1.6抄截

「字母哥」作為上季嘅最佳進步球員，佢嘅成長可以話相當恐佈，只有22歲嘅佢已經係公鹿嘅絕對核心，身高6呎11吋卻被改造成球場上嘅組織者，而對手更加因為佢嘅身型難以對佢進行防守，所以佢喺球場上都接近不能防守的，外界亦相信不消幾年佢將會成為NBA嘅MVP。

上季數據：28分11.8籃板2.1助攻2.2封阻1.3抄截

Davis係NBA最強嘅內線球員之一，其極具爆發力嘅打法，令佢無論進攻定防守都喺NBA首屈一指，再加上佢已經加入3分球能力，令佢喺球場上嘅影響力變得更大。單計個人綜合能力Davis絕對係聯盟前五嘅球員，如果新球季能夠同DeMarcus Cousins及Rajon Rondo產生化學作用，咁佢嘅成就將可以更進一步。

上季數據：18.1分9.2助攻5籃板2抄截0.1封阻

CP3雖然已經32歲，但係仍然係聯盟最強嘅控衛之一，佢嘅助攻失誤比仍然處於聯盟頂級，有佢控球確實係令人相當放心。而今夏佢加盟火箭聯同Harden組成最強後衛組合，究竟佢可唔可以突破摸到西決嘅地板呢？球迷們拭目以待。

上季數據：31.6分10.7籃板10.4助攻1.6抄截0.4封阻

上季完成「神蹟」場均大三元，並且順利奪得生涯首個常規賽MVP，Westbrook失去Kevin Durant後個人能力獲得全面解放。其個人能力基本上已經無人會質疑，但係佢嘅領導力卻仍然備受關注，因為唔少人都認為上季嘅雷霆只係Westbrook一人球隊，而戰績上亦反應呢個事實。不過，今夏雷霆成功得到另一位巨星Paul George加盟，相信Westbrook喺PG嘅相助下可以進一步昇華。

上季數據：29.1分11.2助攻8.1籃板1.5抄截0.5封阻

上季遺憾失落MVP獎項，Harden直言已經放低，並期待新球季嘅展開。而上季轉型成為球隊組織者嘅Harden，新球季因有CP3加盟，佢可能會再次變回一位分衛，究竟咁樣會唔會浪費左佢上季爆發嘅助攻能力呢？不過減少控球對於Harden黎講係有一定好處的，因為上季雖然佢交出全聯盟最多嘅助攻，但係佢嘅失誤數字亦同時領先全聯盟，因此交出控球權將可以大大減低其失誤數字。

上季數據：25.5分5.8籃板3.5助攻1.8抄截0.7封阻

Leonard係目前全聯盟攻守兼備型最強嘅球員，佢嘅外線防守依然傲視全聯盟，無論係LeBron定係KD呢啲超級巨星，都難輕鬆喺佢身上得分。除左防守，成為馬刺頭牌嘅Leonard喺進攻上亦大幅提升，場均25.5分係其生涯新高，每一年都會更進一步嘅佢唔知新球季又會進化至咩地步呢？

上季數據：25.3分6.6助攻4.5籃板1.8抄截0.2封阻

Curry雖然喺KD加盟後數據上有明顯減少，但係佢仍然係勇士嘅絕對核心，而佢嘅投射威脅依然係全聯盟難以解決嘅存在，再加上佢銷魂嘅控球，要完全防下佢真係相當唔容易。而勇士同時擁有Curry及KD兩大進攻殺器，真係令對手難以對佢地進行夾擊，就係因為咁勇士先至咁無解。

上季數據：25.1分8.3籃板4.8助攻1.6封阻1.1抄截

加盟勇士後，KD迎來自己生涯最輕鬆嘅一個賽季，無論得分定防守KD都得手應手，雖然出手次數減少，但係效率卻大幅提升，令佢變成一部更恐佈嘅得分機器。喺小球戰術下，KD嘅防守亦相當適合勇士，相信只要佢同Curry繼續合作，真係好難有人可以動搖佢地霸主嘅地位。

上季數據：26.4分8.7助攻8.6籃板1.2抄截0.6封阻

LeBron雖然已經32歲，但係佢仍然保持住出色嘅身體質素，「NBA第一人」嘅稱號佢仍然係當之無愧，無論係得分、籃板定助攻佢仍然係無所不能，而只要佢100％開動，佢仍然係全聯盟最強嘅得分機器之一，單計個人綜合能力LeBron仍然係目前NBA最強的。