今年夏天，有唔少球員被交易換同新球隊簽約嘅重磅消息傳出，就好似效力爵士7年嘅Gordon Hayward選擇簽約塞爾特人、交力溜馬7年嘅Paul George被交易至雷霆、效力騎士6年嘅Kyrie Irving則被交易至塞軍。而以上提到嘅三位球員，佢地喺今夏之前球員生涯都只係曾效力一支球隊，並一直被認為係該支球隊嘅核心，但係由於佢地各自唔同嘅原因，佢地今夏都離開左自己嘅母會，唔可以成為人們口中所謂嘅「忠臣」。

1、Dirk Nowitzki（1998年加入小牛）

Nowitzki多年黎一直都係小牛嘅絕對核心，而佢亦代表住小牛呢支球隊，只要佢唔想離開，小牛都會一直有佢嘅位置。新球季將會係Nowitzki為小牛征戰嘅第20個球季，佢將會係繼Kobe同Duncan之後無容置疑嘅「超級忠臣」。

2、Tony Parker（2001年加入馬刺）

Parker係馬刺「三頭馬車」嘅核心之一，如今雖然狀態已大不如前，但仍然係球隊嘅正選控衛，佢係馬刺嘅老大哥，未來將必定係馬刺終老。

3、Manu Ginobili（2002年加入馬刺）

「鬼切」同Parker一樣，係馬刺多年黎嘅核心，目前雖然退居後備，但係對於馬刺嘅作用仍然非常大，而佢很大機會會喺明夏退役，所以佢嘅NBA生涯都肯定只會效力一支球隊。

4、Udonis Haslem(2003年加入熱火)

Haslem雖然不是什麼天才球員，但在熱火一直敬業樂業，是球隊的靈魂人物之一，並曾隨隊奪得了3次總冠軍。

5、Nick Collison（2004年加入雷霆前身超音速)

36歲的Collison自從加入超音速後，直至球隊變成雷霆都無離過隊，不過如今嘅佢已經係球隊嘅大後備，上陣的機會越黎越少，上季平均就只係獲得6分鐘嘅上陣時間。

6、Mike Conley（2007年加入灰熊）

Conley加入灰熊後雖然球風低調，但卻一直係球隊最信得過嘅球員之一，而之前佢同球隊簽下一份多年嘅巨額合同，預計未來亦較少機會離開灰熊，未來好大機會會得到「超級忠臣」嘅身份。

Gasol雖然參加選秀大會時被湖人選中，但好快佢就被交易至灰熊，因此佢嘅NBA生涯亦都只係為灰熊一支球隊上陣。以目前嘅情況，Gasol同Conley都係灰熊嘅絕對核心，所以佢同Conley一樣都應該較小機會離開球隊。

8、DeAndre Jordan（2008年加入快艇）

「小Jordan」喺2015年夏天差啲就加盟小牛，但最終被快艇全隊捉番黎續約，但係未來被交易或離隊的可能性不低。

9、Russell Westbrook（2008年加入雷霆前身超音速）

雖然Westbrook生涯開始時效力嘅球隊係超音速，但係雷霆亦只係超音速搬離西雅圖後嘅同一支球隊，因此亦繼續當Westbrook生涯效力同一支球隊。而Westbrook一直被認為是雷霆嘅核心，之後Kevin Durant離隊更確認Westbrook為雷霆的第一老大。不過，外界一直盛傳Westbrook有可能在未來離隊，但以Westbrook的性格，他留隊繼績當球隊大哥應該機會更大。

10、Stephen Curry（2009年加入勇士）

Curry成功帶領勇士兩次登頂，個人又兩奪MVP，今夏更同勇士以天價續約，相信未來佢都必定會繼續留隊，成為勇士的超級忠臣兼傳奇。

11、Blake Griffin（2009年加入快艇）

Griffin必來一直被認為係快艇現在及未來嘅核心，但由於佢嘅傷患問題，今夏亦都有唔少消息指快艇可能會交易Griffin。不過最終Griffin同快艇都係簽左一份頂薪續約合同，但如果未來佢嘅帶隊表現不佳，唔排除會被球隊交易掉。

12、DeMar DeRozan（2009年加入速龍）

DeRozan加入速龍後，好快就成長為球隊嘅核心，近年更成為一名全明星球員，係速龍隊絕對嘅大哥，預計未來應該都不會離開球隊。