{ SKIP }
文:MenClub 波特先生  圖:互聯網
POSTED ON 10 Oct 2017

喺運動嘅世界,一個有天賦嘅選手相比一個無天賦嘅選手,基本上起點完全唔一樣,正所謂「贏在起跑線」,有天賦嘅選手就係有咁嘅優勢。而喺好似足球同籃球兩樣世界最受歡迎嘅運動入面,就曾經出過無數極具天賦嘅球員,好似足球入面就有朗拿甸奴、朗拿度、美斯等,而係籃球就有O’neal、LeBron James、Tracy McGrady、Allen Iverson等等。呢班球員得天獨厚,擁有令人妒忌嘅天賦,唔使點練習都已經係該項運動嘅頂級選手。



不過,唔通呢個世界就只可以比呢班天才玩晒?好彩個世界仲有一樣野叫做努力,憑住努力就算普通人都可以追趕天才,甚至超越佢地(佢地其實可能都係天才,係努力天才)。


一啲無乜天賦,甚至無天賦嘅人如果想超越天才,當然唔係一件容易嘅事,佢地先天上可能有嚴重嘅差別,但係通過後天將不可能變成可能,利用大量嘅練習將某一技術練至爐火純青,咁樣就有機會超越天才。


喺今年夏天從中超加入巴塞嘅保連奴一直被外界大肆批評,認為佢根本就無足夠實力去為巴塞踢球。的確保連奴並唔係人們口中嘅天才,身價「只有」4000萬歐元根本喺現今足壇完全不值一提,但係保連奴加入至今一直默默為巴塞付出,一直喺球場上努力,為美斯送上助攻,甚至自己連續入球,呢一切都係佢努力換黎嘅結果。宜家外界嘅口風已經完全改變,有人更認為係巴塞抱保連奴大腿。


除左保連奴,C朗拿度其實都係足球界努力嘅表表者,佢通過高強度訓練將自己嘅身體變成球場上嘅一大殺器,當然佢喺足球嘅天賦上都係有嘅,但你從來唔會聽到有人話佢係天才。


喺NBA方面,通過後天努力成為球星嘅都真係唔少,就好似岩岩轉投騎士嘅Isaiah Thomas,甚至Kobe Bryant都係努力嘅第一代表。


單睇Kobe選秀時只係第13順位新秀就足以說明佢嘅天賦並唔高,但係呢位球員從來唔認輸,當面對同屆新秀Iverson時大敗,佢並無因此而氣餒,反而專注研究點樣擊敗呢位宿敵,繼而通過大量練習黎提升自己嘅技術,相信大家都聽過Kobe凌晨4點就會起身進行練習,單係呢樣野已經足夠說明Kobe嘅一名努力天才。


身高只有1米75嘅Isaiah Thomas就更加可以話係NBA嘅奇蹟,作為NBA新秀,佢被選中嘅排名係最後一位,明顯當初都無咩人睇好呢位球員,因為籃球世界非常講求身型,當聯盟入面個個都高過你嘅時候,你嘅比賽就會非常辛苦,進攻時你要如何避過對方一眾高人嘅防守呢?防守時又可以點樣阻止高過你同你對位個個球員呢?Thomas就成功克服呢啲,通過自身努力一步一步走到全明星球員,甚至成為一支球隊嘅核心。


天賦確實係可以令你更快更輕鬆達到某一高度,但係努力先係可以令你達到頂峰最重要嘅因素,試諗下如果當日O’neal好似Kobe咁努力,佢嘅成就可能已經過歷史上所有籃球員,所以就算你天賦比人差,千祈唔好放棄,努力不懈去鑽研總係有機會成為一個努力天才的!

進入9月,大家終於度過左最炎熱嘅夏天,天氣開始慢慢轉涼嘅情況下各位做運動嘅時候亦都唔使再咁辛苦。而相信進入秋天,出黎做運動嘅朋友應該會稍稍增多,但係記得做運動都一定要小心為上,由其係某啲野做左可能會適 ...
hobby
【運動與健康】劇烈運動後切記以下5點不能做!
23 Oct 2017
一套四款哥斯拉信用卡,冇份申請都值得睇下呀!
hobby
歷代最大隻哥斯拉 《怪獸惑星》EPOS信用卡
23 Oct 2017