{ SKIP }
文:MenClub 魏文青  
POSTED ON 06 Oct 2017
揸電單車嘅原因除咗慳錢、慳位、型等實用原因,或多或少都同反叛有關,而為咗迎合呢種態度,電單車嘅外型設計通常都相當「硬淨」,甚至可以用「襲略性」黎形容。但當然都有人有唔同諗法,法國設計師Samuel Aguiar就設計出一部「令人想抱」嘅「電.單車」啦。

呢部「Hope」概念車係由Samuel花咗四年時間由草稿畫起,再實踐落一部Vectrix VX-1「電羊」身上而成。原意係對現時電單車嘅刻板外型提出疑問,並且希望造出一部集美觀與實用於一身嘅電單車。Samuel刻意避開現時電單車常見嘅硬朗線條,而改用柔和嘅曲線塑造車身。佢話「Hope」會係一部「pre-A Porsche 356、一隻比卡超同一部iPhone嘅混合體」。車身以玻璃纖為製成,再加上打磨得閃閃發亮嘅鋁板,睇落復古得黎又有未來感。

另外Samuel亦強調設計係整體嘅事,所以「Hope」基本都冇單獨分開嘅部件,由Seat位到儀表同頭尾都係「一體成型」,算係改變咗大家一貫對電單車嘅認識。不過作為僅有一部嘅概念車,應該就唔太有量產嘅可能性,大家想要可能就要自己落手整啦。
Shinyhammer
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024
冇Johnny Depp嘅《魔盜王》仲能唔能夠吸引觀眾入場呢?
hobby
【影視】《魔盜王》系列確定重啟!監製:我們不需等待某些演員回歸
27 Mar 2024