{ SKIP }
文:MenClub 波特先生  圖:互聯網
POSTED ON 28 Sep 2017

近期巴黎聖日耳門可謂飽受隊內兩大牌球員尼馬及卡雲尼嘅不和影響,雙方因為爭射12碼一事引發連串事件,其中包括有傳聖日耳門高層以為可以給予卡雲尼100萬歐元以解決爭射12碼問題,但卻被呢位烏拉圭射手拒絕,令情況進一步惡化。不過正以為情況一發不可收拾嘅時候,佢地二人嘅關係好似又有啲緩和。



喺尋晚嘅歐聯賽事,聖日耳門嘅對手係德甲巨人拜仁慕尼黑,而拜仁可以話係聖日耳門自組成最貴進攻三叉戟之後最強嘅對手,所以用黎測試呢個4億組合就最岩不過。



就喺比賽開始後2分鐘,聖日耳門已經有所斬獲,憑住尼馬喺禁區入面成功吸引多位拜仁球員下分球,後上嘅丹尼爾艾維斯無人完全無人看管,1對1面對門將下射穿對方大細龍門,助球隊閃電領先1:0。


憑住呢個入球,可以睇到尼馬嘅作用有幾大,因為佢能夠吸引多名防守球員嘅注意力,從而令隊友獲得更多空間,再加上尼馬亦有唔獨食嘅一面,助攻隊友得分對於球隊黎講絕對係正面嘅影響。



其後,三叉戟另一核心麥巴比亦有出色嘅發揮,佢每次得球後都帶比拜仁後防巨大嘅壓力,除左佢可以自己突破落底,佢多次傳球亦助隊友卡雲尼及尼馬有唔少射門機會。最終,喺比賽32分鐘一次後次助卡雲尼射入一記世界波,令球隊2:0領先對手。而就喺卡雲尼攻入呢一球後,多名球員亦衝上去同佢慶祝,其中包括同佢傳不和嘅尼馬,而佢地兩個更相擁慶祝,睇黎係要粉碎不和嘅傳聞。


進入下半場,聖日耳門具威脅嘅進攻依然比拜仁更多,去到63分鐘,麥巴比喺進攻右路發動攻勢,扭動蛇腰成功以假動作擺過防守球員之後傳入中路,雖然個波被對方球員阻一阻,但無阻尼馬從後趕至射入,最終聖日耳門以3:0完勝拜仁。


其實睇番成場比賽,尼馬同卡雲尼各入一球,同時二人亦都浪費左幾個黃金機會,不過最終仍然助球隊大勝拜仁呢支強隊,所以可以話兩人對於聖日耳門都係相當重要。而麥巴比就更可以話係令人佩服,因為作為身價1.8億歐元嘅球員,佢喺球隊嘅角色有啲綠葉,佢甘心為兩位大哥做嫁衣而自己唔出風頭,但事實上佢嘅表現卻一啲都唔比兩位大哥差。


睇見尼馬同卡雲尼嘅關係好似有啲好轉,再加埋麥巴比成熟嘅表現,各位聖日耳門嘅球迷應該可以放心,而佢地今屆喺歐聯可以走到幾遠,真係好令人期待!



比賽精華

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024