{ SKIP }
文:MenClub 波特先生  圖:互聯網
POSTED ON 06 Oct 2017

今日較早時間,世界盃南美洲區外圍賽分別上演,其中狀態不佳嘅阿根廷面對秘魯,喺阿古路及希古恩缺陣下,由美斯獨力領軍出戰,雖然統計上阿根廷完勝對手,但最終結果雙方卻踢成0:0,對於阿根廷黎講呢場和波打擊好大,因為佢地喺積分榜已經跌出前五,好可能會無緣2018年俄羅斯世界盃。

作為傳統勁旅,阿根廷一向比人嘅感覺都係強隊之一,而佢地現時嘅陣容入面仲有美斯呢位世界最強球員之一,另外又有阿古路、希古恩、迪馬利亞、馬斯查蘭奴等嘅星級球員,每逢大賽都理應被認為係奪冠嘅熱門之一。不過,唔知點解當呢班星級球員走埋一齊嘅時候,阿根廷嘅表現總係令人失望,唔好計之前連續三次喺大賽決賽落敗,宜家喺世界盃外圍賽竟然面臨出局邊緣,呢樣相信真係無咩人估得到。
阿根廷今仗面對秘魯,喺全場佔據優勢下終以0:0打成平手,連續4場外圍賽都未能取勝下,戰績為17戰僅取得6勝7和4負,累積25分,排名第6位(將失去進入世界盃決賽週資格),雖然分數及得失球都同第5位的秘魯一樣,但由於得球不及對方故排名低一位。而由於外圍賽只係剩番一場,所以目前阿根廷已經係背水一戰,不過佢地又未必真係出唔到線嘅。
 
除左未能獲勝之外,阿根廷今仗更有中場加高受傷,佢係一次傳球後膝部明顯扭傷,但係佢經軍醫包札後繼續比賽,但賽後檢查後證實其右膝前側十字韌帶及右側韌帶均斷裂,情況嚴重,預計佢將要休戰6-8個月時間,這代表佢就算到時好番,基本上都難以代表國家隊參加明年嘅世界盃。
最後一場外圍賽,阿根廷嘅對手係厄瓜多爾,後者排名外圍賽第8名,已經無緣世界盃決賽週,因此佢地嘅心態將無阿根廷咁渴望勝利,而阿根廷嘅實力亦點都喺佢地之上,因此佢地獲勝嘅機會都係大得多的。另外,排名第4及第5位的哥倫比亞及秘魯將會喺最後一場碰面,正所謂兩強相遇必有一死,佢地邊一方勝出嘅就會直接獲得出線資格,相反落敗嘅一方將好大機會被阿根廷反超從而跌落第6位,咁樣就真係即時出局無仇報。

因此最後一場比賽,阿根廷基本上係許勝不許和及敗的,以下係阿根廷仍有機會出線嘅情況:

1、哥倫比亞擊敗秘魯,阿根廷贏波或和波>進入附加賽,秘魯出局

2、秘魯擊敗哥倫比亞,阿根廷贏波>進入附加賽,哥倫比亞出局

3、哥倫比亞同秘魯打和,阿根廷贏波>進入決賽週,秘魯出局

4、哥倫比亞同秘魯打和,阿根廷和波(但要同對手踢成10:10或以上)>進入附加賽,秘魯出局

因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024
冇Johnny Depp嘅《魔盜王》仲能唔能夠吸引觀眾入場呢?
hobby
【影視】《魔盜王》系列確定重啟!監製:我們不需等待某些演員回歸
27 Mar 2024