{ SKIP }
文:MenClub 魏文青  
POSTED ON 07 Oct 2017
中秋假期,難得地見到幾對結咗婚嘅朋友,咁佢哋聚埋一齊就當然講下已婚人士嘅話題,即係邊個邊啲做家務咁。而一眾男士們都同意大部份家務佢哋都做到、亦願意做,唯有就係燙衫呢家嘢似乎就超出咗男人嘅理解範圍;而太太們亦都話燙衫係最麻煩嘅家務,因為你冇得Hea燙架嘛!但如果有咗以下呢部機,太太們唔做咁辛苦,先生們又唔使受太太們嘅怨氣,啲衫又燙得直喎,你話係咪完美先。
呢部睇落有啲似衣箱嘅,就係一部名為「Effie」、可以拯救蒼生嘅燙衫機。只要你將衣服掛上特製、可調大小嘅衣架,掛上部機到再撳個掣,部機就會以壓燙嘅方式幫你燙直件衫。整個過程全自動,一次最多可以燙12件衫,你仲可以加入香劑,令到件衫燙完出黎仲有香氣,甚至可以將內衣褲等唔使燙嘅衫,用衣袋裝住放入去風乾。另外有專用APP黎話你知啲衫幾時燙好,啱哂獨居冇人幫手燙衫嘅你,又或者唔想老婆咁辛苦嘅你。

Effie預計下年3月就會接受預訂,「早鳥」優惠價699英鎊,即係7200HKD左右。
Effie
進入9月,大家終於度過左最炎熱嘅夏天,天氣開始慢慢轉涼嘅情況下各位做運動嘅時候亦都唔使再咁辛苦。而相信進入秋天,出黎做運動嘅朋友應該會稍稍增多,但係記得做運動都一定要小心為上,由其係某啲野做左可能會適 ...
hobby
【運動與健康】劇烈運動後切記以下5點不能做!
23 Oct 2017
一套四款哥斯拉信用卡,冇份申請都值得睇下呀!
hobby
歷代最大隻哥斯拉 《怪獸惑星》EPOS信用卡
23 Oct 2017