{ SKIP }
文:MenClub 波特先生  圖:互聯網
POSTED ON 11 Oct 2017

2018俄羅斯世界盃外國賽黎到最後一輪,其中南美洲賽區傳統勁旅阿根廷陷入出局邊線,雖然佢地只要贏波就會確保至少獲得附加賽資格,甚至可以直接出線決賽週,但係其實佢地都有一定壓力,特別係佢地要最後一場係作客厄瓜多爾嘅高原主場。

面對厄瓜多爾,阿根廷繼續有阿古路同希古恩缺陣,而陣中較為人所認識嘅就只有美斯同迪馬利亞,但係整體黎講都應該較對手更強的。
 
不過,就係開賽短短30幾秒,阿根廷後防就出現一次嚴重失誤,被厄瓜多爾嘅球員成功射入,呢個入球對於需要爭取贏波嘅阿根廷可以話係一次重大打擊。
 
幸好阿根廷之後站穩陣腳,避免對手之後有太多具威脅嘅進攻。而喺比賽第10分鐘,美斯一次插入禁區接應隊友地波傳中快腳一撞,成功為阿根廷扳成1:1嘅比分,兼大大緩和隊友們嘅不安。
6分鐘後,美斯憑住個人能力成功擺脫防守球員,喺禁區入面左腳勁射掛網,成功將比分改寫成2:1,呢個時候終於可以見到美斯笑了。
去到比賽下半場15分鐘,美斯再有一次個人突破,成功在防守球員面前射出一記拋物線射球,對方門將欲救無從,3:1!
最終,阿根廷成功將3:1嘅比分帶到去完場,加上哥倫比亞同秘魯嘅比賽踢成1:1,而巴西則大勝智利3:0,因此阿根廷成功以28分升上第3位,獲得直接出線決賽週資格。而智利則一口氣下跌至第6位而出局,球迷們無緣喺明年世界盃見到佢地了。
進入9月,大家終於度過左最炎熱嘅夏天,天氣開始慢慢轉涼嘅情況下各位做運動嘅時候亦都唔使再咁辛苦。而相信進入秋天,出黎做運動嘅朋友應該會稍稍增多,但係記得做運動都一定要小心為上,由其係某啲野做左可能會適 ...
hobby
【運動與健康】劇烈運動後切記以下5點不能做!
23 Oct 2017
一套四款哥斯拉信用卡,冇份申請都值得睇下呀!
hobby
歷代最大隻哥斯拉 《怪獸惑星》EPOS信用卡
23 Oct 2017