{ SKIP }
文:MenClub 波特先生  圖:互聯網
POSTED ON 12 Oct 2017

上季摩連奴入主曼聯,單係第一季已經為「紅魔鬼」帶黎3個冠軍:歐霸盃、聯賽盃、社區盾,雖然聯賽只係得第6,但係憑住歐霸盃冠軍佢地成功獲得今季嘅歐聯資格。呢個成績明顯係曼聯前兩位教練無法相比的,因此曼聯決定信任摩帥,有消息指球隊已經為佢開出一份5年6500萬鎊嘅新合同,希望佢可以長期留任。

2013年,執教左曼聯27年嘅費格遜決定退休,隨即呢支英超傳統勁旅頓失重心,其後請黎莫耶斯及雲高爾,但兩位教練都完全令曼聯球迷失望,無論球隊成績又或係教練執教風格都難以令人信服,最終喺去年夏天曼聯終於請黎摩連奴,呢位冠軍級教練立刻大刀闊斧對球隊進行改革,打造具摩連奴風格嘅球隊,最終雖然唔可以叫取得巨大嘅成功,但係卻明顯要比莫耶斯同雲高爾更得人心。

喺完成一季嘅適應期後,現年54歲嘅摩連奴今夏再大手買入球員,令球隊陣容進一步升級,如今喺聯賽以6勝1和高據第2位,僅因得失球落後同市宿敵曼城,可見曼聯越趨成熟。如今見到摩帥帶領嘅曼聯前途展現光明,球隊管理層對佢嘅信心亦不斷增加,以過往費Sir呢個成功例子,相信只要摩連奴願意,佢將可能喺及後20年都執教曼聯,成為第二個費格遜。

本身5x5已經好難揀,宜家仲要少左人,點揀呀?
hobby
【東京奧運】美國隊最強3x3陣容你點揀?!
19 Feb 2018
將你間屋嘅地板變成深不見底嘅地洞!
hobby
入門口嚇一嚇 「穿窿」地氈
18 Feb 2018