{ SKIP }
文:MenClub 魏文青  
POSTED ON 18 Oct 2017
講咗好耐嘅第一次大型機械人大戰,由美國Megabots對日本水道橋重工,結果終於喺香港時間今朝揭曉,而贏家就係美國Megabots嘅新型機械人「Eagle Prime!」

其實今朝嘅所謂直播,只係一個長大約半個鐘嘅錄製節目。扣除啲懶喺緊張嘅訪問同Trash Talk時間,真正嘅比賽大約可以分成三場。水道橋只有一部Kuratas出戰,但Megabots就先後拎出第二代,亦即係當年佢哋挑戰水道橋時擁有嘅「Iron Glory」,以及近期研發成功嘅第三代「Eagle Prime」出戰。戰鬥地點係一間廢棄工廠之內,雙方處於兩端,中間有油桶及廢車作為障礙。雙方都以駕駛員於內部操作,規矩上亦只有其中一方被擊倒、投降、或者不能活動先算完結。
第一場Kuratas對上Iron Glory,雙方重量、高度都差唔多,但Kuratas喺速度數字上佔盡優勢。武器方面Iron Glory有6吋漆彈,而Kuratas就係一隻重達半噸嘅左拳。比賽過程亦相當一面倒,一開賽Kuratas就發揮速度優勢直衝Iron Glory,期間Iron Glory只係發射咗一下漆彈,然後直面中咗Kuratas一拳仰面跌倒。Kuratas先勝一仗。

而重頭戲就係Kuratas對上比Iron Glory重接近一倍、又係近戰強化嘅Eagle Prime。作戰一開始Kuratas於油桶後作掩護,但Eagle Prime嘅漆彈破壞掩護後擊中Kuratas腰部,慢鏡睇到裝甲有鬆脫,但冇大礙。Kuratas亦放出一隻小航拍機以作搔擾,但被Eagle Prime嘅右手巨爪一撞就墜機。其後雙方作近身對戰——準確啲講係好近距離咁推下推下——但都未能擊倒對方,最後仲互相卡住。大會只好中止比賽,要以第二回合分勝負。

第二回合Eagle Prime換上鍊鋸左手。開局Kuratas先以右手漆彈機關槍作滋擾,其後雙方進入白刃,更加好「識做」地推跌場內嘅燈架,加添幾分緊張感。而Eagle Prime嘅鍊鋸亦輕鬆地鋸開Kuratas嘅右手,而喺重量同馬力劣勢之下,Kuratas亦冇法反擊,最後雖然冇被擊倒,但就投降收埸。Megabots成為最終贏家。
作為第一場大型機械大戰,呢場比賽有其重要意義,但如果以觀賞性、刺激感黎講,佢甚至唔夠體積小得多嘅《Robot Wars》。始終大型機械人動作唔靈活,就算係近戰都只能夠你一拳、我一鋸嘅硬碰硬,最後只係睇邊個噸位更高、武器更強。而且網民都認為呢場比賽非常有「做馬」嘅嫌疑,睇黎要成為一項成熟嘅競技活動,都仲有好一段路要行啦。
全集內容
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024