{ SKIP }
文:MenClub 波特先生  圖:互聯網
POSTED ON 09 Nov 2017

人稱「呂布」嘅瑞典前鋒伊巴謙莫域,雖然如今已經36歲,但係仍然屬於世界頂級前鋒之列,而曼聯領隊摩連奴亦深知呢一點,所以先會願意繼續留住呢位此前有傷在身嘅超級射手。而近日呢位射手就被問到有關瑞典國家隊黎緊世界盃附加賽將會面對強敵意大利嘅睇法,一向強勢自信嘅伊巴謙又會有咩驚人言論呢?

伊巴謙早喺2016年歐國盃之後已經宣佈退出國家隊,對於瑞典黎緊附加賽呢個話題,佢回應時並無直接回答,佢首先講嘅係國家隊有自己同無自己嘅分別:「如今瑞典隊唔再有壓力啦,因為我已經退出國家隊,人們對佢地已經無咁多期待。當我仍然喺陣中嘅時候,球隊水平明顯會提高,而沒有我的話,球隊水平就會下降。」
嘩,咁大口氣嘅說話相信真係得伊巴謙先敢講,而球迷就係鍾意佢呢種霸氣,而佢嘅實力亦絕對配得上佢嘅自信。
其後伊巴謙終於回歸話題,佢表示現在這支瑞典隊是一個很好嘅團隊,只係佢地無以前咁大壓力,而陣內嘅球員唔少都缺乏大賽經驗,只不過球隊仍然係有雄心,希望可以殺入世界盃的。
而作為黎緊瑞典隊嘅對手,意大利中場迪羅斯對於佢地無左伊巴謙感到高與,因為佢非常不想面對呢位射手,佢甚至直言即使對方40歲兼斷左一隻腳,佢都唔想喺球場上面對佢。睇黎迪羅斯都真係幾驚伊巴謙,而咁樣亦都足以證明「呂布」究竟有幾強大呢!
C朗可否不要老...
hobby
【真的老了?】C朗速度大不如前,難再爆破
22 Nov 2017
繼EVMAs之後再與Skylar Grey合作,仲送多首經典名曲《Stan》!
hobby
Eminem現場演譯新歌《Walk on Water》
22 Nov 2017