同超級跑車一樣喺意大利生產嘅Gitzo，號稱腳架界中「法拉利」，如果閣下玩開影相，都必定認識呢個永遠令人仰望嘅百年攝影器材品牌，造腳架都講求工藝極致，不論裝嵌、物料嘅技術，好似係首間製造商採用碳纖物料及玄武岩纖維物製造三腳架，或者用鎂合金物料製造雲台，講真同製造架跑車無兩樣，咁你明白點解賣得咁很貴啦...

GK100THK 100 週年紀念版三腳架全球限量1917 支 （Carbon eXact碳纖維腳管、180°反摺功能及Traveler G-lock扭鎖）

Gitzo 剛剛就舉行咗品牌100週年紀念產品發佈會，不過唔講唔知，Gitzo 從1917年由創辦人Arsène Gitzhoven在法國創立，品牌成立之初，生產嘅並唔係腳架，而係專生產相機配件，好似快拆板、底片盒、快門、自拍計時器等，後來到咗1920年，有一段時間生產大片幅照相機，Gitzo更成為法國軍方的衛星工廠之一，主要負責軍用托架生產，砲架機槍都係靠佢托住。

後來到咗二次大戰，法國被德軍佔領，Gitzo也被迫停止所有生產線，直至二戰過後，將過去累積唔少腳架研發與設計的相關經驗，全心投入攝影用三腳架生產，並於1950年正式發表首款照相機專用三腳架與對應雲台，開始在行頭成功站出。

到了1960年，創辦人Arséne Gitzhoven正式退休，該公司改由女兒Yvonne Plieger及其夫婿Roger Pflieger接管，不可不提Roger在二戰期間是航空機械工程師，本身已經擁有了幾項腳架和雲台的專利，將多項先驅技術融入Gitzo，久站業界高端，隨後向50多個國家出口的各種各樣的三腳架和雲台。到咗92年時，兩夫婦年事已高，將Gitzo轉售給英國Vitec集團，正式結束長達近70年的家族企業，不過留意返成個Vitec集團仲有其他品牌如KATA 、Manfrotto，在幾乎有齊晒攝影界腳架嘅高端市場。

講返個100週年紀念產品發佈會，Gitzo除咗推出幾款限量版產品，好似限量1,917支的100週年紀念版三腳架，會中亦有介紹「Gitzo 百年傳奇歷史回顧展」，特別搜集了不同年代的經典照片和產品，經歷品牌百年歷程的縮影。話明「法拉利」你就知個牌頭唔係一般人可以應付到，大佬咁貴我都未捨得買呀...