{ SKIP }
文:MenClub 波特先生  圖:互聯網
POSTED ON 14 Nov 2017

尋晚世界盃附加賽次回合,意大利番到主場迎戰瑞典,呢支2006年世界盃冠軍由於首回合輸0:1,所以今仗係背水一戰,贏唔到就肯定緣盡決賽週。領先一球嘅瑞典全力退守,最終死守至完場雙方踢成0:0,兩回合計瑞典以1:0擊敗意大利,後者爆冷出局。同時,意大利無緣打入決賽週後,門神保方亦正式宣佈退出國家隊。

出局後,保方都忍唔住流下男兒淚....
意大利今次未能打入決賽週,係自1958年後首次,所以實屬罕見,要知道意大利嘅陣容都不乏出名嘅球員,好似邦路斯、基亞連尼、恩莫比利、保方等。而意大利出局,現年39歲嘅保方亦即時宣佈結束國家隊生涯,佢賽後表示:「我嘅最後一場國際賽竟然係未能打入世界盃決賽週,這係一個恥辱。所有人都有責任,沒有任何人要成為代罪羔羊。」
保方係意大利嘅傳奇門將,佢由1997年首次為國家隊上陣,之後好快就成為球隊嘅絕對1號門將,就算之後有幾多出色嘅門將想挑戰保方意大利首席門將嘅地位但都無人能夠成功。喺21年國家隊生涯,保方一共上陣左175場比賽,係意大利國家隊嘅上陣紀錄保持者。
而要數保方國家隊生涯最成功嘅時刻,當然就係2006年助意大利奪得世界盃冠軍,要知道呢次奪冠足足相隔左6屆賽事,其中保方出色嘅表現係意大利奪冠嘅重要因素之一。
除左保方之外,巴沙利同迪羅斯都會一同結束國家隊生涯,另外基亞連尼雖然暫時仲未肯定,但都好大機會退出國家隊。
C朗可否不要老...
hobby
【真的老了?】C朗速度大不如前,難再爆破
22 Nov 2017
繼EVMAs之後再與Skylar Grey合作,仲送多首經典名曲《Stan》!
hobby
Eminem現場演譯新歌《Walk on Water》
22 Nov 2017