{ SKIP }
文:MenClub 波特先生  圖:互聯網
POSTED ON 15 Nov 2017

今年夏天,巴黎聖日耳門以破紀錄轉會費1.98億鎊從巴塞隆拿簽下尼馬,而呢宗轉會嘅影響力大大左右之後其他球員嘅轉會,因為唔少球隊如今都會以尼馬轉會作為基礎去衡量轉會費。而最新嘅消息指,曼聯領隊摩連奴睇中左皇馬新人王阿辛斯奧,希望可以將佢帶到奧脫福,並且有傳願意為佢開出打破曼聯收購紀錄嘅1.77億鎊轉會費。

如果曼聯真係以1.77億鎊收購阿辛斯奧,咁樣就會打破普巴2016年以8900萬鎊轉會費加入曼聯時嘅球會紀錄。另外,有指摩帥將會為阿辛斯奧開出高達2400萬鎊嘅年薪,咁即係週薪將會高達46.2萬鎊,相比現時佢拎到嘅7.5萬鎊週薪將高出6倍!

若果曼聯真係可以邀得阿辛斯奧加盟,佢將肯定會同紅魔鬼簽下一份5年期嘅長約,而呢一切將好大機會喺黎緊明年夏天嘅轉會窗發生。不過,其實曼聯又唔係話最需要阿辛斯奧呢種前線球員,因為佢地陣內仲有馬斯亞、拉舒福特、馬達、米希達恩,所以就算阿辛斯奧黎到都會有好大競爭。另外,皇馬方面亦絕對唔會輕易放人,因為佢地都好睇好阿辛斯奧嘅潛力,認為佢將會喺未來金球獎嘅得主,所以必定設法留住佢。
現年21歲嘅阿辛斯奧喺近兩季爆出,憑住表現出色開始成為皇馬嘅主要輪換球員,並且喺大賽入面都有過精彩入球,其中今季季初面對巴塞隆拿時嘅演出可以話喺代表作之一。而今季至今,阿辛斯奧一共為皇馬上陣14場,其中8場為正選,交出4入球2助攻,而皇馬目前以7勝2和2負排名聯賽第3位,落後榜首嘅巴塞8分之多。
而國家隊方面,阿辛斯奧已經成為大國腳,並曾為西班牙上陣7場,相信未來佢都會喺西班牙國家隊嘅主力球員之一。
C朗可否不要老...
hobby
【真的老了?】C朗速度大不如前,難再爆破
22 Nov 2017
繼EVMAs之後再與Skylar Grey合作,仲送多首經典名曲《Stan》!
hobby
Eminem現場演譯新歌《Walk on Water》
22 Nov 2017