{ SKIP }
文:MenClub 波特先生  圖:互聯網
POSTED ON 04 Dec 2017

意甲傳統豪門AC米蘭較早前將主帥蒙迪拿辭退,其後將原來嘅青年軍教練兼球隊名宿「野獸」加度素提升為球隊主帥。而成為主帥後,加度素領軍首支要面對嘅係聯賽仲未曾領過1分嘅榜尾球隊班尼雲度,對於新帥黎講咁嘅對手絕對係試陣嘅絕佳人選。

面對班尼雲度,加度素繼續排出今季球隊慣常用嘅3-4-3陣式,但係佢就大膽將原來一直司職中場嘅邦拿雲度拉放上左翼鋒位置,以利用佢嘅創造力去為球隊帶黎更多進攻機會。而上半場,加度素呢個決定已經獲得奇效,邦拿雲度拉喺面前混亂期間,以頭搥為球隊先下一城。
下半場,對方前鋒成功喺門前把握當拿隆馬撲出皮球不遠下,成功執雞將比分改寫成1:1。不過相隔幾分鐘,AC米蘭又憑住卡連歷喺門前嘅頭搥再次領先,並將領先優勢一直帶至比賽補時階段。期間米蘭後衛羅馬洛尼因為一次攔截,被球證出示今場第二面黃牌兩黃一紅驅逐離場。不過番睇慢鏡,其賽羅馬洛尼係無踢到對方球員的,對方係有插水之嫌。
不過正如《足球小將》嘅主角戴志偉話齋,未到吹完場雞前都唔可以放棄,而班尼雲度嘅球員亦都真係無放棄,佢地喺補時階段最後一擊,門將布歷奴利亦都上前助攻希望可以有奇蹟。最終,班尼雲度球員將罰球斬入禁區,門將布歷奴利飛身一頂,竟然真係將個波成功頂入網,就係咁奇員扳平比數,搶下今季聯賽第1分。
被迫和後,米蘭今季15場比賽落黎只係錄得6勝3和6負,以21分排名聯賽第8位。唔知新帥加度素可唔可以有咩新元素帶比球隊,以衝擊歐洲賽嘅資格呢?
早前官方釋出第1彈PV後,最近又再公開第2彈PV!
hobby
更多角色現身!《哥布林殺手》公開動畫版PV第2彈
16 Jul 2018
摩迪已成新一代體能王!
hobby
【無限氣】摩迪63公里跑動距離今屆世界盃之冠!
13 Jul 2018