{ SKIP }
文:MenClub 波特先生  圖:互聯網
POSTED ON 07 Dec 2017

Stephen Curry係NBA目前最炙手可熱嘅球星之一,佢喺2015及2016年連續兩年奪得常規賽MVP,並帶領勇士喺2015及2017年兩次奪得NBA總冠軍。而喺近5個球季,Curry只係缺席左16場比賽,如果你對佢唔係有太多了解,你可能唔知其實以前嘅佢經常受傷而被評為「玻璃人」。而喺岩岩與鵜鶘嘅比賽入面,Curry就再次不幸受傷了。

喺同鵜鶘嘅比賽尾段,Curry一次標波唔小心踩落對方球員嘅鞋面,令其右腳踝出現超過90度嘅扭傷。而不幸之中嘅大幸係,經過MRI嘅檢查後,Curry腳踝受傷位置並無結構性嘅損傷,所以相信休息一段短時間佢就可以再次上場。
今次Curry受傷嘅鏡頭,相信唔少勇士迷都被嚇到出左一身冷汗,要知道雖然Curry近年受傷嘅情況已經大幅改善,但係諗番起佢以往嘅傷病史都唔好話唔驚,特別係佢嘅右腳踝。
喺岩岩進入NBA嘅生涯初段,Curry就開始經常出現扭傷腳踝嘅情況,可以話係大有大扭、小有小扭,因此喺2011年5月進入休賽期嘅時候就進行左生涯第一次腳扭手術,以修復其撕裂嘅韌帶。
不過就喺完成手術康復過來後,Curry喺2011-12球季嘅季前賽不幸又再扭傷,然後喺2012年1月及2月嘅時候亦再出現2次扭傷,因此佢喺4月嘅時候決定進行第二次手術。2011-12球季,因為不斷受傷Curry就只係為勇士上陣26場比賽,係其生涯嘅黑暗期。
2012-13球季,雖然你睇番數據Curry一共上陣左78場常規賽,但係其實佢喺1月及3月分別3次扭傷腳踝,但幸好情況唔算非常嚴重。
2013年之後,Curry迎黎3年健康嘅腳踝,期間佢更喺2015年帶領勇士奪得NBA總冠軍,達到生涯巔峰。但喺2016年2月,Curry再前喺比賽期間出現腳踝受傷,其後喺同年嘅季後賽亦都再次出現腿部受傷,最終球隊被騎士逆轉,未能成功衛冕。
今次Curry再一次扭傷右腳踝,雖然未算好嚴重,但係始終對其身體有一定嘅影響,如果唔小心處理,可能其生涯後半段隨時再次變成「玻璃人」,希望大家唔會見到呢個情況出現啦!
聖誕節仲有唔夠十日就到,大家應該都已經收到唔同朋友圈嘅「聖誕交換禮物玩法及條件」,亦即係代表大家要又逼又煩地出街去搵啲唔太貴,但又唔太「行」嘅聖誕禮物返黎。如果你未諗到買咩,我以下就有個好介紹! ...
hobby
聖誕送禮自用必備 「港產映画」金色節日版登場!
16 Dec 2017
繼兩年前自製咗個識擰識轉識着燈嘅「雷神」形藍芽喇叭之後,香港《高智能方程式》Fans Philip終於又有新作啦,就係OVA《SIN》篇中由加賀駕駛嘅凰呀上嘅「Ogre System」! ...
hobby
最後的加速 港人自製凰呀「Ogre System」
15 Dec 2017