{ SKIP }
文:MenClub 波特先生  圖:互聯網
POSTED ON 07 Dec 2017

尋日歐聯小組賽完成最後一場賽事後,16強球隊亦因此正式誕生,而其中發現英超全部五支球隊都成功晉級,並且其中有四支球隊更加係小組首名,就咁睇今季真係可以話係英超嘅超級盛世。

睇番五支英超球隊:曼聯、曼城、利物浦、熱刺同車路士,除左車路士之外,另外四支都係小組首名,亦即係佔左歐聯八個小組入面一半嘅首名。而其實即使係次名嘅車路士,佢喺小組入面都係同首名嘅羅馬同分,並且得失球方面更加要比對方好,但好可惜嘅係歐聯係先計對賽成績的,而車路士今屆兩次面對羅馬只係取得1和1負嘅戰績,因此只能夠屈居小組次名。而值得一提嘅係,車路士處於嘅C組可以話係今屆歐聯分組賽嘅死亡之組,因為除左羅馬之外仲有馬體會,因此能夠出線已經相當唔容易。
再睇番四支小組首名嘅英超球隊,A組嘅曼聯戰績為5勝1負,E組嘅利物浦戰績為3勝3和,F組嘅曼城戰績為5勝1負,H組嘅熱刺戰績為5勝1和。而當中熱刺可以話係最令人驚喜的,因為佢地同組仲有皇馬及多蒙特兩支勁旅,而要知道C朗拿度喺歐聯嘅表現依然強勁,所以熱刺可以壓倒皇馬拎到小組首名絕對係含金量十足的。
本來今屆有五支英超球隊殺入歐聯小組賽已經係歐聯歷史上首次出現的,而如今五支球隊一齊殺入16強,就更加係史無前例的。接下來,歐聯16強抽籤將會喺12月11日舉行,小組首名將會面對小組次名嘅球隊,同組及同國家嘅球隊將唔會喺16強對上,因此五支英超球隊將絕對有可能全部殺入8強,如果真係咁就更加罕見得令人難以置信。
以下為五支英超球隊16強可能遇到的對手:
曼聯(A組首名):拜仁、祖雲達斯、西維爾、薩克達、波圖、皇馬
車路士(C組次名):聖日耳門、巴塞、比錫達斯
利物浦(E組首名):巴素利、拜仁、祖雲達斯、薩克達、波圖、皇馬
曼城(F組首名):巴素利、拜仁、祖雲達斯、西維爾、波圖、皇馬
熱刺(H組首名):巴素利、拜仁、祖雲達斯、西維爾、薩克達、波圖
喺近幾年,西甲可以話係歐聯嘅大戶,而如今英超終於迎來盛世,究竟佢地5支球隊可以走得幾遠各位球迷記得拭目以待!
聖誕節仲有唔夠十日就到,大家應該都已經收到唔同朋友圈嘅「聖誕交換禮物玩法及條件」,亦即係代表大家要又逼又煩地出街去搵啲唔太貴,但又唔太「行」嘅聖誕禮物返黎。如果你未諗到買咩,我以下就有個好介紹! ...
hobby
聖誕送禮自用必備 「港產映画」金色節日版登場!
16 Dec 2017
繼兩年前自製咗個識擰識轉識着燈嘅「雷神」形藍芽喇叭之後,香港《高智能方程式》Fans Philip終於又有新作啦,就係OVA《SIN》篇中由加賀駕駛嘅凰呀上嘅「Ogre System」! ...
hobby
最後的加速 港人自製凰呀「Ogre System」
15 Dec 2017