{ SKIP }
文:MenClub 波特先生  圖:互聯網
POSTED ON 08 Jan 2018

桌球非常講球精準嘅擊球點,唔容許有絲毫偏差,否則結果將完全係另一回事。因此,球手往往喺擊球前都會好細緻咁瞄準,貿貿然出手將會大大減低準繩度。不過,有啲球手卻係例外的,好似著名球手「火箭」奧蘇利雲就以擊球速度極快以聞名於世,不過你又知唔知佢係咪真係世界上擊球速度最快嘅球手?

近日,世界桌球(World Snooker)公佈左一份有趣嘅排名 - 桌球手擊球速度排行榜,大家可以睇到131名球手平均打出一桿嘅速度係幾多。而今次結果令人驚喜,因為奧蘇利雲並唔係第1位,佢以每桿17秒僅排名第2位。咁究竟第一位係邊個?答案就係泰國球手Thepchaiya Un-Nooh,佢每桿只需要16秒就可以擊出,比「火箭」仲要快上1秒。
雖然「火箭」以1秒之差排名第2位,但係佢能夠以咁高嘅速度擊球同時保持穩定性,呢一點係Thepchaiya Un-Nooh完全不能相比的。
其餘著名嘅球手好似馬克威廉斯就以18秒並列第3位,香港球手傅家俊以20秒並列第14位,傳奇球手希堅斯則以22秒並列第33位。
而擊球最慢嘅球手就以Lee Walker最慢,佢令桿需要用上35秒先可以將白波擊出,實在係唔少球手唔想預到嘅球手,因為比賽節奏將會非常非常慢。另外倒數第二及第三嘅球手分別係Rod Lawler(33秒)及Peter Ebdon(32秒)。
NBA又有一班後浪上黎啦!
hobby
【一年容易又選秀】太陽選上狀元大熱DeAndre Ayton!
22 Jun 2018
有理由相信其實佢地嘅髮型係別有用心的!
hobby
【點忍笑?】世界盃爆笑髮型!
21 Jun 2018