{ SKIP }
文:MenClub 波特先生  圖:互聯網
POSTED ON 12 Jan 2018

巴西傳奇前鋒朗拿度有幾勁,相信唔使我再多講,佢巔峰期嘅速度、入球能力、爆炸力、左右腳協調等等,都係歷史級別的,最完美嘅前鋒佢認第二,都無乜幾多個敢認第一。不過你又估唔估得到,原來年輕時仲未比人發掘嘅佢,有一次為左進入青訓竟然去踢龍門?!

對於要想像朗拿度呢位傳奇射手,竟然要企喺自己一方嘅龍門前面,成為距離對方龍門最遠嘅一個,相信你都一定會同我一樣感到難以置信,同時會覺得球隊簡直就係愚蠢至極,但呢個就係「大哨」傳奇一生嘅開始。
近日,朗拿度接受媒體訪問時表示,當年佢為加入一支五人足球隊進行試腳,但由於當時有多達50個小朋友一齊參加,競爭非常之大,再加上佢想踢嘅右翼位置,參加人數亦非常之多。然後佢睇見想做龍門嘅就只有3人,所以就走左去做龍門試腳,就係咁佢就成功pass入選。其後喺訓練入面,朗拿度嘗試改變位置,自此佢就再無做龍門了。
只可以講,當時年少嘅朗拿度真係非常聰明,為左入選無所不用其極,但成功以龍門入選亦說明佢踢呢個位置也是較其他人更出色的,亦可能因為佢識做龍門,佢先知道點樣射穿龍門嘅十指關。
另外,朗拿度又表示效力皇馬期間,佢身邊最好嘅隊友係施丹同埋古迪,其中佢形容施丹踢球非常優雅及輕鬆,而古迪則擁有極出色嘅視野,佢絕對係團隊型最出色嘅球員之一。
有實力嘅始終都係會被發現的!
hobby
【傳奇繼續】F.恩沙基有望帶隊兩年連升兩班?!
24 May 2018
巴打們又鍾唔鍾意呢款不一樣嘅《銀魂》呢?
hobby
日本網上爆紅!《男兒當入樽》畫風X《銀魂》人物
24 May 2018