{ SKIP }
文:MenClub 波特先生  圖:互聯網
POSTED ON 12 Jan 2018

今季英超喺曼城強勢嘅表現下,其他球隊好似就只可以為第二位而努力。而曼聯雖然目前高據聯賽第二位,但同曼城嘅分差多達15分,而入球亦比對方少19球之多。曼聯雖然係目前聯盟入球第3多嘅球隊,但其中入球最多嘅球員盧卡古,宜家就只係攻入左10球,排名射手榜第5位,落後第1位嘅哈利卡尼8球。

盧卡古雖然身價價值不菲,但係就始終唔係大賽型球員,相比上季嘅伊巴謙莫域還是有質嘅分別,但好可惜伊巴上季尾段不幸受傷,即使如今已經好番晒,但係就無晒狀態,表現大不如前。
而最新嘅消息更指,今夏同紅魔嘅合約將會到期嘅伊巴,好有可能會提前離隊尋找其他挑戰。據報宜家有唔少球隊都對伊巴有興趣,其中包括美職聯及中超,而呢兩個聯賽都應該適合36歲嘅伊巴轉戰的。另外,由於美職同中超都係3月份開戰的,所以如果伊巴真係有心離隊的話,咁今個轉會窗提前離開曼聯將變得非常大可能。
「呂布」之前接受訪問時認為自己嘅身體仍然有能力再戰2-3年,所以佢無意喺球隊入面做一名後備,又或轉投一支較小型嘅球隊去賺唔多嘅錢。
如果伊巴真係離隊,曼聯就需要搵定後備方案,其中佢地可以考慮簽下一名頂級前鋒,而可知嘅人選就包括拖連奴前鋒比洛迪。當然,曼聯仲可以將馬斯亞或拉舒福特推前一格打前鋒的,但係就要睇佢地嘅做化啦。
一定要重返球場呀!
hobby
【要回來!】李宗偉證患上鼻咽癌,祝早日康復!
24 Sep 2018
《逆向誘拐》能成港產推理劇情電影經典? 今日想介紹的電影係一部港產片,雖則上映期好像有點遠,但確實是小編非常有興趣推薦的一部電影作品,本地少有的推理電影作品《逆向誘拐》,此片定於11月8日香港映,係 ...
hobby
【期待新戲】《逆向誘拐》能成港產推理劇情電影經典?
24 Sep 2018