1959年春天，年僅18歲的李小龍由香港遠赴美國發展，第一個踏足嘅地方就係西雅圖。當時嘅佢除咗要爭取演出機會，更要面對種族問題。據博物館負責人Margaret Su所講，由於李小龍嘅混血血統(母親何愛瑜為歐亞混血兒)，導致個樣「鬼鬼地」嘅佢喺香港不被接納，去到當年種族歧視問題嚴重嘅美國，人哋又當佢亞洲人看待。或者因為咁，李小龍不視「種族」為障礙。佢第一個學生是一位黑人朋友Jesse Glover；他太太是白人Linda Emery；他的武館不問種族地開班授徒，甚至相傳有其他華人武術老師就收取非華人學生而與李小龍決鬥——最後李小龍用三分鐘令對手投降。