{ SKIP }
文:MenClub 波特先生  圖:互聯網
POSTED ON 13 Apr 2018

黎到2018年,世界排名頭兩位嘅球員仍然係「泥地王」拿度同埋「瑞士天王」費達拿,佢地兩位喺2017年更分各自平分四大滿貫,好似兩位球手都唔識老一樣,究竟佢地可以打到幾時成為唔少球迷討論嘅話題。作為前世界第四嘅球員,魯錫斯基就揚言拿度同費達拿呢兩位差唔多統治左網壇10多年嘅選手,將會喺2020年正式面臨改朝換代!

目前世界網壇男子單打排名,拿度高踞世界排名第一,而費達拿則以100分之差排名第2,而世界排名第3嘅施歷則與兩位相差接近4000分,可想而知呢兩位世界掛名頭兩位嘅球手,究竟有幾統治性。
雖然係咁,魯錫斯基認為「費拿」二人被拉下來嘅日子已經唔遠啦,佢指出喺近期三個大師賽入面,已經誕生左3位新冠軍,佢地分別係索克Jack Sock、迪普祖Del Potro及John Isner。要知道過去一段長時間呢啲大師賽冠軍都係由網壇四天王(費達拿、拿度、祖高域及梅利)及華迪卡奪得的。根據呢個情況所推理,網壇已經開始出現變代。
確實,魯錫斯基所講嘅情況已經開始有跡可尋,就好似最近嘅印第安納大師賽,迪普祖就喺決賽成功擊敗費達拿。而另一邊廂嘅拿度目前則陷入傷患嘅困擾,雖然成功重返世界第一,但 係就休養多過比賽,雖然佢已經準備好迎戰黎緊嘅法網,但係狀態卻令人擔心。
如果要數未來有機會搶走「費拿」世界第一及第二寶座嘅球員,好大機會係世界排名第4,但只有20歲嘅Alexander Zverev,以佢嘅天賦佢仲有好大嘅成長空間,未來登頂機會甚大!當然施歷同迪普祖都有機會將「費拿」拉落黎,但係佢地兩個都唔後生,所以應該唔可以維持好耐嘅時間。
伊巴謙莫域究竟踢唔踢到世界盃呢?
hobby
【無人想你?】伊巴謙莫域想踢世界盃只係一廂情願?
20 Apr 2018
其他亮點包括女版行運超人,肥仔識放火,以及完全冇異能嘅X-Force成員「Peter」!
hobby
《Deadpool 2》最終預告 死侍顏面騎乘機堡
20 Apr 2018