{ SKIP }
文:MenClub 波特先生  圖:互聯網
POSTED ON 17 Apr 2018

作為一名足球員,除左想有天價薪酬之外,就梗係想贏得最多嘅冠軍啦!咁你又知唔知足球史上拎到最多官方冠軍嘅球員係邊個呢?係咪美斯?C朗拿度?比利?伊巴謙莫域?唔好意思,通通都唔係,奪得最多冠軍嘅球員係如今效力巴黎聖日耳門嘅邊後衛丹尼爾艾維斯!

較早前,巴黎聖日耳門成功喺法聯盃上擊敗摩納哥,令丹尼爾生涯冠軍數增加至36個,超越傑斯同杜格利殊成為足球史上奪得最多官方比賽冠軍嘅足球員。
而日前,聖日耳門成功重奪法甲冠軍,因此丹尼爾其生涯冠軍數又添一個至37個,其紀錄因此再度刷新。
現年34歲嘅丹尼爾,喺2001年由巴甲球隊巴希亞體育會出道,其後曾分別效力西維爾、巴塞隆拿、祖雲達斯及宜家嘅聖日耳門,另外佢仲係巴西國家隊嘅骨幹成員之一。丹尼爾可以話係名正言順嘅人生勝利組,因為佢效力呢啲球隊嘅期間都曾經奪得過冠軍。
以下係丹尼爾生涯所奪得嘅37個冠軍,而計番佢喺17個球季入面,平均其實係每季可以拎到2.2個冠軍,實在係非常恐佈嘅成就!

巴西國家隊:美洲國家盃冠軍1次、洲際國家盃冠軍2次

巴黎聖日耳門:法甲冠軍1次、法國超級盃冠軍1次、法聯盃冠軍1次

巴塞隆拿:西甲冠軍6次、西班牙盃冠軍4次、西班牙超級盃冠軍4次、歐聯冠軍3次、歐洲超級盃冠軍3次、世冠盃冠軍3次

西維爾:歐洲足協盃冠軍2次、西班牙盃冠軍1次、西班牙超級盃冠軍1次、歐洲超級盃冠軍1次

祖雲達斯:意甲冠軍1次、意大利盃冠軍1次

巴希亞體育會:巴西西北盃冠軍1次

伊巴謙莫域究竟踢唔踢到世界盃呢?
hobby
【無人想你?】伊巴謙莫域想踢世界盃只係一廂情願?
20 Apr 2018
其他亮點包括女版行運超人,肥仔識放火,以及完全冇異能嘅X-Force成員「Peter」!
hobby
《Deadpool 2》最終預告 死侍顏面騎乘機堡
20 Apr 2018