自從2011年HBO播出《Game of Thrones(GoT)》第一集，原著小說作者George R.R. Martin就成為世界「我最唔想佢死住」排行榜上最前列嘅人物。事關《GoT》真係好好睇，但到目前為止George R.R. Martin只係完成咗七部曲入面嘅其中五部，另外兩部影都未見——亦係點解劇集去到下年第八季就「被逼」完結嘅主因——而呀Martin佢年紀都唔細，一陣佢有咩三長兩短個故事完唔到就真係人生遺憾。

所以當George話要寫新書，仲要係Westeros(《GoT》嘅舞台)嘅故事，大家都好興奮呢！