{ SKIP }
文:MenClub 波特先生  圖:互聯網
POSTED ON 08 May 2018

作為NBA歷史最年輕嘅常規賽MVP,Derrick Rose可以話係NBA歷史中最出色嘅天才之一。不過好可惜,無論你有幾高天賦、身體質素有幾逆天都好,如果你敵唔過傷病嘅侵襲,你可能好快會被打落凡間,甚至連籃球都無機會再打。

如今嘅Rose因為膝傷問題,雖然佢仲可以繼續喺NBA立足,但就已經再打唔番當日無人能擋嘅MVP級別水平,實在令人感到無比婉惜。而如今可能又有一位球員步Rose後塵,佢就係爵士嘅控衛Dante Exum。
現年22歲嘅Dante Exum,係2014年嘅首輪5號新秀,而今季係佢喺NBA嘅第四個球季,但由於左膝前交叉韌帶撕裂,佢曾經喺生涯第二個賽季全季報銷。而黎到今季,Exum繼續離不開受傷,佢喺去年10月就因肩膀受傷一直休養至今年3月,所以今季佢一直就只係上陣左14場比賽。
而進入季後賽,Exum雖然上陣時間並唔多,但都叫有發揮的機會。不過,黎到剛剛與火箭的第四戰,Exum在第三節中段的一次突破上籃中,左腳卻再一次受傷,雖然佢仍然死撐下出手投籃,但其後佢痛得需要跳入球員通道,最終更坐在地上明顯非常疼痛。經過隊醫檢查後,Exum由兩名工作人員攙扶下進入更衣室作進一步檢查。
雖然Exum經初步檢查後,只係腳筋酸痛,但係並不能100%作準,佢之後需要再作更詳細嘅檢查,以確保傷情。
其實,Exum曾經被寄予厚望,黎自澳洲嘅佢選秀時嘅模版係Penny Hardaway,可想而知人們對佢嘅實力係有好高嘅期望。身高6呎6吋嘅Exum,擁有出色嘅控球能力,速度及身體質素亦非常好,所以令人聯想起Penny都非常合理。
可惜生涯第二年Exum就遭遇毀滅性嘅交叉韌帶撕裂,除左一整季被迫養傷之外,其個人能力亦因為受傷被帶走了不少,目前生涯場均數據就只有5.7分2.2助攻1.8籃板,遲遲都未能夠兌現天賦,不斷嘅受傷則令佢進一步被削減實力,雖然好唔想但佢好可能將會成為第二個Rose,甚至好快就會掩沒在來來去去的NBA球員洪流之中。
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024