{ SKIP }
文:MenClub 波特先生  圖:互聯網
POSTED ON 11 May 2018

今季英超嘅年度金手套獎項已經鎖定由曼聯門將迪基亞所奪得,而曼城門將艾達臣則緊隨其後排名第二。雖然今季艾達臣錯失左作為門將嘅最高榮譽獎項之一,但係佢近日就成功奪得另一個個人榮譽 - 健力士世界紀錄!

艾達臣近日除左成功隨曼城奪得英超冠軍之外,更成功創下一個健力士世界紀錄,就係拋踢足球嘅距離達到75.35米,係前無古人嘅最長距離!

現年24歲嘅艾達臣將會隨巴西參加黎緊嘅俄羅斯世界盃,而佢日前就喺IG上載左自己從健力士收下嘅獎狀。

其實相信大家都有見過艾達臣喺比賽入面,從自己把守嘅禁區一腳將個踢到去接近對方禁區頂,然後由自己隊友隨即攻門,可以話呢種進攻係曼城嘅必殺技之一。

相信如果艾達臣可以將呢個絕技帶到去巴西隊嘅話,今屆世界盃可能會多出一個殺著,隨時再次殺出一個世界盃冠軍!

同我不斷跑就岩架啦!
hobby
【體能怪物】朴智星揭無限氣來源 - 青蛙湯!
22 May 2018
唔係一個普通Touch Bar週邊,佢本身就係部主機!
hobby
本身係Touch Bar嘅iMac Taptop電腦概念
22 May 2018