{ SKIP }
文:MenClub 波特先生  圖:互聯網
POSTED ON 18 May 2018

世界盃仲有唔夠一個月就會正式開始,32支殺入決賽週嘅球隊亦會相繼決定出征戰世界盃大軍嘅最後名單。不過,其實就喺最後32強決定後,未能打入決賽週嘅球隊其實都唔少,當中亦不乏著名嘅隊伍,因此唔少名將亦將無法參加今屆世界盃,相信會令不少球迷有所失望。

而以下11位可以話就係目前無法參加今屆世界盃嘅最大遺珠,唔知黎緊仲會唔會有其他球員因為無法入選或受傷而加入呢個名當中呢?

門將: 保方(意大利)

後防: 丹尼爾(巴西) / 受傷

後防: 雲迪積克(荷蘭)

後防: 邦路斯(意大利)

後防: 阿拉巴(奧地利)

中場: 基達(畿內亞)

中場: 維度爾(智利)

翼鋒: 巴利(威爾斯)

翼鋒: 洛賓(荷蘭)

前鋒: 山齊士(智利)

前鋒: 奧巴美揚(加蓬)

以上11位遺珠,主要係黎自意大利、荷蘭及智利呢三支無法打入世界盃嘅勁旅,好似洛賓咁大家一定好失望因為無得喺世界盃睇佢嘅絕技「洛賓的軌跡」,而我地亦都無法將睇到老將保方保住後方。

而巴利則同傑斯屬於同一命運,因為威爾斯國家隊實力有限,要想打入世界盃真係非常唔容易,所以奪得今屆歐聯冠軍將成為佢今年最後一個目標。

另外,巴西邊後衛丹尼爾日前宣佈因傷將無法參加世界盃,呢個消息絕對係對巴西一個重大打擊,要知道佢屬於巴西隊內嘅老將之一,係球隊嘅領袖,所以巴西今次真係損兵折將。

雖然以上11位球星都無法參加世界盃比賽,但係預計佢地都會出現喺唔同場館睇比賽,所以睇直播嘅時候,大會好有機會會捕捉到呢班球星呢!

《東京喰種2》預定2019年會上映,演員方面將會同《東京喰種》時嘅陣容有別?
hobby
預定2019年上映!《東京喰種2》真人版電影製作決定
25 Sep 2018
一定要重返球場呀!
hobby
【要回來!】李宗偉證患上鼻咽癌,祝早日康復!
24 Sep 2018