{ SKIP }
文:MenClub 波特先生  圖:互聯網
POSTED ON 18 May 2018

俄羅斯世界盃在即,各支有份參加決賽週嘅國家隊陸續公佈佢地嘅最後征戰嘅23人名單,繼較早前嘅巴西隊之後,日前最多香港球迷支持嘅英格蘭亦公佈左23人大軍名單。

以下為英格蘭23人大軍名單:

門將:畢蘭特(韋斯咸)、比克福特(愛華頓)、樸比(般尼)

後衛:艾殊利楊格(曼聯)、卡希爾(車路士)、馬古尼(李斯特城)、史東斯(曼城)、菲爾鍾斯(曼聯)、基爾獲加(曼城)、捷比亞(熱刺)、丹尼路斯(熱刺)、阿諾特(利物浦)

中場:艾歷迪亞(熱刺)、軒達臣(利物浦)、迪利阿里(熱刺)、戴爾夫(曼城)、連加特(曼聯)、路夫斯捷克(車路士租借至水晶宮)

前鋒:哈利簡尼(熱刺)、華迪(李斯特城)、史達寧(曼城)、拉舒福特(曼聯)、韋碧克(阿仙奴)

候補名單

門將:湯希頓(般尼)

後衛:達高斯基(般尼)

中場:拉爾拉拿(利物浦)、積基李華摩亞(西布朗)、路易斯曲克(般尼茅夫)

睇番今次英軍嘅陣容,較為人熟悉嘅祖赫特、韋舒亞、禾確特及史摩寧同告落選,其中前兩位球員岩岩一季都可以話不在狀態,所以今次世界盃領隊修夫基唔帶佢地都非常合理。因此,今次三獅軍團嘅領軍人物將係熱刺射手哈利簡尼,要知道佢今季為熱刺喺英超一共攻入30球,佢將會喺球隊取勝嘅關鍵。

不過,由於今次英軍陣容較為年輕,雖然活力十足,但係相對經驗較淺,所以要喺世界盃呢啲大賽踢出水準並唔容易,好有可能英軍將再一次喺大賽中腳軟,早早出局。

雖然英超係世界最激烈嘅足球聯賽,但呢個並唔能夠令英格蘭球員變得更強嘅原因,相反由於外援眾多,所以英軍小將獲得嘅機會便相對地少,呢個結果就直接影響住英軍嘅實力。

先看看最近一次嘅大賽 - 2016歐洲國家盃,英格蘭雖然成功打入16強淘汰賽,但最終面對實力唔算強嘅冰島竟然以1:2落敗,令唔少人大跌眼鏡。而2014年巴西世界盃,英格蘭分到同意大利、烏拉圭及哥斯達黎加一組,雖然呢一組都可以話係死亡之組,但係英軍竟然三戰只係錄得1和2負,最終以小組最後一名出局,實在係令人尷尬到唔敢睇,而值得一提呢一屆英軍嘅陣容當中仲有「雙特」謝拉特及林柏特兩位老將,前線則有朗尼掛帥。

而再睇前少少嘅2012歐洲國家盃,英格蘭以小組首名出線,但最終一進入淘汰賽(8強)面對意大利又再一次被踢出局。2010年世界盃又點?英格蘭以小組次名出線,最終16強面對德國被大炒出局。如果再睇前少少,其實都可以發現英格蘭雖然好多人鍾意,但係始終喺大賽都難以有作為,而今屆世界盃佢地嘅實陣亦未見星光熠槢,所以要有好成績睇黎都唔係容易嘅事。

英格蘭世界盃情況:

2006 - 8強出局

2002 - 8強出局

1998 - 16強出局

1994 - 未能進入決賽週

1990 - 4強出局

英格蘭歐國盃情況:

2008 - 未能進入小組賽

2004 - 8強出局

2000 - 小組賽出局

1996 - 4強出局

1992 - 小組賽出局

同我不斷跑就岩架啦!
hobby
【體能怪物】朴智星揭無限氣來源 - 青蛙湯!
22 May 2018
唔係一個普通Touch Bar週邊,佢本身就係部主機!
hobby
本身係Touch Bar嘅iMac Taptop電腦概念
22 May 2018