{ SKIP }
文:MenClub 波特先生  圖:互聯網
POSTED ON 05 Jun 2018

加盟左巴塞隆拿半季嘅巴西中前場球員古天奴日前表示,沙拿及尼馬將成為今夏俄羅斯世界盃嘅最佳球員!唔知你又點睇呢?

世界盃將會喺大慨一個多星期後正式展開,而沙拿及尼馬都好大機會帶傷上陣,其中沙拿嘅傷情較為嚴重,因為佢喺岩岩嘅歐聯決賽中被皇馬中堅沙治奧拉莫斯拉低整傷左肩,相信將難以喺世盃展開時100%康復。另一邊廂嘅尼馬,則自從2月因腳傷已經休養左3個多月,不過喺岩岩嘅一場巴西vs克羅地亞嘅熱身賽中終於復出,並以出色嘅表現換黎一個入球。雖然復出即入球,但係尼馬表示自己目前狀態只有8成,所以可以期待黎緊嘅世界盃睇下佢可唔可以回復100%。

古天奴效力利物浦期間,曾與沙拿合作過一段短時間,而同時佢亦喺巴西國家隊中與尼馬合作無間,所以相信佢對二人都非常了解。呢位巴塞球員認為,沙拿及尼馬將會喺世界盃呢個舞台達到自己生涯嘅最巔峰。

古天奴認為,美斯及C朗二人已經統治左球壇好多年,佢相信現在喺時候有其他球員能夠成為世界最佳球員,同時呢位球員將好大機會成為世界盃嘅最佳球員。而古天奴就認為:「沙拿及尼馬將有最大機會,當然屆時都需要取決於比賽情況,但佢地有能力做到,佢地係我睇好嘅球員。」

如果照古天尼咁講,其中尼馬要想成為世界盃最佳球員,絕對需要佢本人嘅幫助,因為佢將會係尼馬前線其中一位好幫手,如果古天奴打唔出表現,相信尼馬及巴西亦都會大受影響。另外,沙拿如果能夠克服傷患,相信佢嘅個人能力仍然備受看好,但係由於埃及實力未見突出,所以沙拿要想殺入16強都唔係易事。

而睇番美斯同C朗,美斯雖然技術上仍然係世界第一,但係阿根角整體實力並唔算特別好,特別係後防令人擔心,所以美斯能否帶領阿根廷再次打入決賽將非常困難。而葡萄牙除左2016年歐國盃成功奪冠之外,過去喺世界盃都未有非常出色嘅表現,再加上C朗年紀已大,陣容實力未算強大,所以要打出令人驚喜嘅表現相對困難。

【劇宅毒男推薦】Netflix滿分評價Sacred Games印度風情縣疑警匪劇 返工等放工,放工煲劇中的生活係香港人寫照之,不過日日SEESEE TVB的日子確係悶,世界之大好戲在網裡頭,不如等我劇宅毒男介紹d新劇你煲? Bol ...
hobby
【劇宅毒男推薦】Netflix滿分評價Sacred Games印度風情縣疑警匪劇 ... ... ...
16 Aug 2018
【期待新戲】Papillon (巴比龍) 史上最偉大的逃獄故事回歸銀幕 都市人生活繁忙緊張,其實我們心中或多或少都會有逃獄的響往,夢想自己有一天能逃離現實的地獄,通向桃花源。大家有沒有看過美國著名電視劇PRISON ...
hobby
【期待新戲】Papillon (巴比龍) 史上最偉大的逃獄故事回歸銀幕 ... ... ... ... ...
15 Aug 2018