{ SKIP }
文:MenClub 波特先生  圖:互聯網
POSTED ON 06 Jun 2018

正所謂冤冤相報何時了?今夏將離開曼城嘅中場耶耶托尼同領隊哥迪奧拿勢成水火,並且已經撕破臉皮,因此近日爆出哥帥其實抱有種族歧視思想,所以先唔鍾意比作為黑人嘅托尼上陣。而最新嘅消息指,托尼經理人有意作進一步行動去報後哥帥,就係願意只收1英鎊週薪去加入英超前六嘅球隊!

設計對白:「哥迪奧拿我要你死!」

今次1英鎊週薪加盟事宜,明顯係托尼經理人想向哥帥證明托尼仍然有能力踢頂級球會,甚至透過效力其他主要競爭對手去擊敗哥帥嘅曼城。效力曼城長達8季嘅托尼,自從哥帥執掌教鞭後就無太多好日子過,而上季佢全季就只有17次上陣機會,1個入球也未能夠取得,令托尼難以接受,所以決定離隊他投。

雖然離開曼城,但係托尼仍然好大機會留喺英超,甚至繼續留喺曼徹斯特市,因為曼聯可能會成為佢嘅新東家,要知道1英鎊週薪喺如今嘅足壇黎講簡直係聞所未聞,相信呢位中場勢必引起一番爭奪潮。

其實,托尼經理人方面曾透露有唔少外國球隊已經為托尼開出巨額合同,其中包括美職聯等,不過為左證明哥迪奧拿係錯,所以佢情願唔要錢都要留喺英超。

當然,除左1英鎊嘅週薪之外,托尼合同都會有其他附加獎金條款,但係佢都第一個目標都係好似上面咁講,就係要證明哥帥係錯誤的。而經理人亦揚言,如果普巴身邊有托尼,相信呢位法國中場將會學到唔少野,從而大幅提升表現。

不過事實上托尼已經35歲,佢已經再唔係以往個位中場全能球員,當然佢嘅經驗對於年輕球員有住非常大嘅幫住,但係實際比賽表現都係存疑的,只係1英鎊嘅週薪確實難以令一眾球隊拒絕呢!

最強加最強 = 統治力!
hobby
【無敵】杜克大學一年級最強組合屈爆NCAA機!
17 Aug 2018
早前官方先釋出第一彈PV影像,估唔到話咁快,第二彈又再登場!
hobby
《銀魂2》日劇「世界奇妙銀魂醬」第二彈PV登場!
17 Aug 2018