{ SKIP }
文:MenClub 波特先生  圖:互聯網
POSTED ON 08 Jun 2018

2018俄羅斯世界盃仲有唔夠一個星期就開波啦,相信唔少球迷都已經引頸已待,屆時3個比賽時間分別為香港時間晚上8點、11點及凌晨兩點,相信唔少打工仔球迷最有可能睇到頭兩場,而如果睇埋第3場相信第二日番工應該都會釣魚居多,甚至好大機會因為無精神而做錯野。

而作為香港老闆嘅,如果無睇開波嘅真係理得你世唔世界盃,而就算老闆知道有世界盃,佢心入面都會諗:「So What?!記得聽日準時番工!」所以各位打工仔睇完尾場後工唔夠精神真係後果自負。

無計啦,呢度係香港,要想打入世界盃機會真係微乎其微,唔似得「足球王國」巴西咁,足球對於國民黎講接近係生命,甚至對於政府黎講都係一樣。

據消息指,巴西政府宣佈,所有公務員世界盃決賽週期間,因住比賽可以自行決定遲到及早退。亦即係話如果巴西嘅賽事喺上午舉行,咁佢地就可以下午先番工,如果比賽係下午舉行,佢地就可以只係番上午。

嘩,有無咁爽皮先!?相信各位香港打工仔球迷見到都恨死隔離,但係天下當然無咁大隻蛤乸隨街跳啦,因為呢班公務員當世盃完左之後就要OT番之前種落嘅因。不過,如果喺香港既然係咪都會OT,咁就梗係睇左波先算啦!

相信有去開現場睇波嘅球迷都唔難發現,賽後觀眾席入面總會佈滿非常多嘅垃圾,因為一班無手尾嘅球迷會隨意拋棄,令清潔工人有大量垃圾需要收拾,同時令垃圾難以進行分類回收從而破壞環境。其實只要你有些許環保意識, ...
hobby
【愛地球】世界盃日本球迷環保意識贏晒!
20 Jun 2018
型就係咁簡單!
hobby
【好有型】塞內加爾贏波,教頭搶晒鏡!
20 Jun 2018