{ SKIP }
文:MenClub 波特先生  圖:互聯網
POSTED ON 29 Jun 2018

正所謂出得黎行預左要還,如果當日你有風駛盡艃,唔識今日留一線嘅話,咁樣真係條路自己揀 _ _唔好喊啦!而呢一句說話,真係好岩送比德國隊,因為當呢支衛冕冠軍今屆世界盃出局後,世界各地嘅人都對佢地冷嘲熱諷一番。

作為世界排名第一,又係上屆世界盃冠軍得主,德國今屆被分得與墨西哥、瑞典及南韓一組,賽前德國都被認定出線絕對無問題,甚至被評為奪標熱門之一。不過,最終佢地小組賽第一場就輸比墨西哥,第三場更輸比南韓2:0,最終以小組包尾嘅身份提早結束世盃之旅。

賽後,有巴西媒體就即時出黎對德國隊嘲笑一番,其中當然係因為上屆巴西以1:7恥辱性輸比德國。而另外慶祝2017年到黎嘅時候,德國中場大將卻奧斯竟然拎呢場大勝黎玩,佢喺網上將2017當中嘅「1」同「7」兩個數字換成巴西及德國嘅國旗,對此令作為巴西球員嘅馬些路、卡斯米路等隊友感到難堪。

為左報復卻奧斯當日玩笑式嘅嘲諷,有巴西媒體就回復當日卻奧斯嘅留言,並祝番佢2018年快樂,而當中「2」及「0」就換成韓國及德國國旗。呢次報復卻奧斯真係唔怨得人,贏波仲要咁樣串人,真係要預左有還嘅一日。

另外,今屆德國與瑞典嘅比賽,德國隊憑住卻奧斯嘅罰球絕殺對手,而賽後德國嘅教練團竟然向瑞典後備席鼓掌挑釁,導致雙方發生衝突,呢一個行為亦令唔少人非常討厭德國,所以當德國隊小組出局後可以話大快人心。

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024