{ SKIP }
文:MenClub 魏文青  
POSTED ON 09 Jul 2018
《Game of Thrones》劇集嘅演員及創作團隊一向對劇情守口如瓶,邊個死咗邊個返生次次都要等到劇集播出先知,確保觀眾有最大衝擊同樂趣,下年先播出嘅最後一季保密功夫就當然更加足。不過強如《Avengers》都出咗Tom Holland同Mark Ruffalo呢對「劇透孖寶」,《GoT》又好難避免嘅!有網民就留意到飾演Arya嘅Maisie Williams可能爆出部份結局!
卻說Maisie於日前完成哂所有《Game of Throne》戲份,並於IG上載一雙沾滿(假)血嘅白波鞋向劇集告別。就咁睇啲字當然冇咩特別,問題係佢接下嘅幾個Hashtag就令人充滿幻想。其中「Lastwomanstanding(最後站著的女人)」令人猜測劇集去到最後,Arya會唔會係最後一名生環者?又或更甚者係戰至最後佢都死埋?如果你嫌咁都唔夠引起一眾Fans嘅猜想,飾演Cersie嘅Lena Headey嘅留言就更加係火上加油!
QUEEN!女王!Cersie竟然叫Arya做女王!當然你唔能排除佢哋係講笑,但以劇情黎講,Arya又真係可能成為女王。首先Arya係北境Stark家族嘅繼承人,只要對上所有人都放棄(或者死哂),佢就係北境嘅正統繼承人;再者一直有指Arya會與另一角色Gendry於第八季成為情侶,而Gendry係Cersie老公、前七國國王Robert Baratheon嘅私生子,血統上亦係Iron Throne嘅正統繼承人之一,二人結合就能名正言順一統Westeros七國。所以情理之中Arya真係有可能成為女王!

Lena Headey(@iamlenaheadey)分享的貼文 張貼

更重要係Lena Headey已經唔係第一次於IG上劇透。早於2014年4月,佢就上載咗一張與飾演Oberyn嘅演員Pedro Pascal嘅合照,合照中佢以雙手按住Pedro嘅雙眼;兩個月後劇集第四季第八集播出,Oberyn就係咁畀「Mountain」徒手鍊死咗,也許劇透有條路?
一定要重返球場呀!
hobby
【要回來!】李宗偉證患上鼻咽癌,祝早日康復!
24 Sep 2018
《逆向誘拐》能成港產推理劇情電影經典? 今日想介紹的電影係一部港產片,雖則上映期好像有點遠,但確實是小編非常有興趣推薦的一部電影作品,本地少有的推理電影作品《逆向誘拐》,此片定於11月8日香港映,係 ...
hobby
【期待新戲】《逆向誘拐》能成港產推理劇情電影經典?
24 Sep 2018