{ SKIP }
文:MenClub 波特先生  圖:互聯網
POSTED ON 10 Jul 2018

今晚,俄羅斯世界盃四強賽事將會展開,第一場將由法國大戰比利時,由於兩支都係今屆賽事嘅奪標大熱門,所以呢場對決外界評為提前嘅決賽,即係話呢場勝出嘅一方隨時就係今屆世盃嘅冠軍。不過,喺呢場對決入面,有一個人卻處於非常尷尬嘅位置,佢就係法國傳奇射手亨利(Thierry Henry)。

作為法國傳奇射手,現年40歲嘅亨利大帝為法國隊立馬唔少汗馬功勞,其中包括助法國隊奪得國家史上唯一一次世界盃冠軍(1998年),另外仲有1次歐國盃及1次洲際國家盃冠軍,而佢個人則代表法國隊上陣123場(隊史第2)攻入51球(隊史第1)。

眼見法國隊成功再次打入世界盃四強,相信亨利心入面一定非常高興,不過今一屆對於佢黎講心境上可能有啲唔同,甚至好矛盾,因為呢位傳奇射手喺2016年8月時候應邀加入成為比利時國家隊嘅助教,亦即係其祖國法國會係佢地黎緊四強嘅對手。

2016年嘅時候,比利時國家隊領隊馬天尼斯邀請亨利加入其教練團,以其傳奇射手嘅經驗去訓練球隊嘅一眾射手,其中包括盧卡古、夏薩特、迪布尼等等。雖然亨利應該已經有心理準備有朝一日會對上自己嘅祖國,但係當真係要面對嘅時候,相信其心情都一定會非常複雜。

不過,其實足球壇上為另一個國家打自己祖國嘅例子亦唔少,其中好似2014年世界盃,德國「金色轟炸機」奇連士文就係美國隊嘅教練,而咁岩小組賽美國就分到同德國隊同組,奇連士美需要帶隊面對祖國,雖然最終美國隊以0:1不敵德國,但雙方則攜手晉級16強。

除此之外,去年代表玻利維亞出戰世界盃外圍賽嘅射手摩蘭奴(Marcelo Martins Moreno),本身擁有巴西血統,甚至代表過巴西U18出賽,不過最終未能入選大國腳,所以轉為代表玻國。而玻利維亞對上巴西嘅世盃外圍賽,摩蘭奴就著住玻國球衣同一班巴西國腳好友黎一張大合照,係一個非常罕見嘅場面。

所以,今晚各為其主,亨利一定會盡自己努力去助比利時擊敗法國,但當然如果最終法國隊能夠晉身決賽,相信亨利自己亦都會相當高興的。

Netflix 影視將合作推Diablo動畫影集? 全球萬千玩家回憶的遊戲大作暗黑破壞神Diablo近日又再傳出新消息。有網絡傳說漫畫發行商Boom! Studios的創始人Andrew Cosby星期三時在Twitter上爆料,Diablo正同緊Netflix ...
hobby
Netflix 影視將合作推Diablo動畫影集?
22 Sep 2018
今年係機動戰士高達,馬沙之反擊動畫嘅30周年紀年,剛喺香港時代廣場展覧完Gundam Dock at Hong Kong III, 同樣亦係以馬反為主題。喺發源地日本當然亦唔會輸蝕啦! 就係東京台場嘅The Gundam Base 哩個高達 ...
hobby
馬反30周年,產品一浪接一浪
22 Sep 2018