2014年MGM曾經試過「Reboot」鐵甲威龍系列，搵黎Jose Padiha翻拍1987年嘅第一集，但結果無論票房同評價都不如人意，原本話拍第二集亦都冇咗影。時隔四年，MGM又再次拎返《鐵甲威龍》出黎，不過今次唔係翻拍啦，係續集，並會交畀《D-9異形禁區》、《超人類：卓比》嘅導演Neill Blomkamp執導，原作編劇Ed Neumeier同Michael Miner會擔任製作人，而劇本則由Justin Rhodes操刀、改編Ed同Michael當年寫落但冇用嘅續集劇本。

Neill接受訪問時盛讚《鐵甲威龍》係當年嘅經典科幻片，自己細細個就好鍾意睇。然後指自己長大後發現電影最重要嘅主題其實係「身份認同」，並認為呢個先係令當年電影成為經典嘅原因。咁希望佢喺呢個主題下，能夠拍出一套唔輸蝕比1987年版嘅續集啦！