{ SKIP }
文:MenClub 魏文青  
POSTED ON 13 Jul 2018
電影界最高殊榮有奧斯卡,電視方面就有艾美獎(Emmy),而最新一屆艾美獎各個獎項嘅侯選名單已於美國時間星期四公佈,各大熱門電視劇紛紛上榜,其中極受歡迎嘅HBO神劇《Game of Thrones》以22項提名成為「提名之冠」,同廠出品嘅《Westworld》則以21項提名,與美國老牌喜劇《Saturday Night Live》並列第二!

《Game of Thrones》獲得22項提名後,亦令其以總共129次提名,成為艾美獎有史以來獲得最多提名嘅單一劇集系列,超過播另一經典劇集《ER》嘅124次,但要注意嘅係《ER》前後播出總共15季,而《GoT》只係播出七季,最高潮嘅第八季要到下年先上,到時提名數字絕對會再創新高。另外於《GoT》中飾演Tyrion Lannister嘅Peter Dinklage再次獲提名戲劇組別嘅最佳男配角,亦係《GoT》播出七季來嘅第七次!

不過《GoT》同《Westworld》嘅表現,並不足以令HBO成為艾美獎提名最多嘅平台。串流平台Netflix以112項提名,超過傳統「大戶」HBO成為獲得最多提名嘅平台。值得一提嘅係Netflix眾多作品當中,獲得最多提名嘅只係12項嘅《The Crown》,但由於平台作品多,「人多打人少」嘅情況之下就壓倒HBO,搶走其維持18年嘅領頭羊位置。

有評論就指今次「失利」,或會加強HBO在策略上向Netflix靠攏的速度。HBO自家製作一向標榜「重質不重量」,每套作品都精心製作,而且有其獨立性,過去十幾年從獎項而言亦證明呢個策略可行。但自從Netflix等網上串流平台出現,大家睇劇嘅習慣亦改變咗,HBO重質不足量,Netflix就以唔錯嘅水準填補空缺,反而成為(獎項上嘅)大贏家。另一邊廂,2016年尾HBO母公司Time Warner被美國電訊巨頭AT&T收購後,HBO最新話事人John Stankey於一次佈部會議中指出HBO現時嘅策略搵唔到錢,「創作更多內容,與觀眾有更多互動」先係王道。之於重「量」之餘會唔會犧牲咗「質」?咁就要放長雙眼睇啦!
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024