好多人應該同我一樣，由細細個睇亞記嘅EVA(新世紀福音戰士)長大，睇到依家仔都生埋，都仲等緊佢嘅結局。相信早前亦有唔少FANS知道2020年將會有最終章嘅OVA推出，依家BANDAI SPIRITS 將會喺出年二月推出METALBUILD EVA-01 Test Type 初號機。有玩開咩都標(METALBUILD)嘅朋友一定知道，所有產品都係一賣即炒，以初號機嘅人氣，絕對係極具收藏嘅目標之一。

淨係睇圖都相信J死唔少FANS，從官方發放嘅圖片同影相嚟睇，成品保持咩都標一貫嘅水準，合金關節，仔細嘅上色，畫龍點睛般嘅燙印標示。武器更用上仿金屬嘅上色，絕到係FANS們嘅喜訊。一直以嚟EVA都推出過唔少玩具模型產品，咩都標係第一次，而該系列產品都會替機體再重新設定過外型同細節，一齊嚟睇下隻初號機有幾咁標中大家。

人體動作非常自然，活動能力非常高。

配合各式各樣豐富嘅武器，非常自然。留意腰部嘅活動能力超高。武器亦非常豐富:

步槍 Palette Rifle（パレットライフル)

彈匣部份可卸下，仲可以轉用長槍管、槍刀、榴彈發射器等配件，替換三種攻擊模式。

武士刀 Magoroku Sword（マゴロクソード）

包含長刀「Magoroku E Sword」及短刀「Counter Sword」，刀身使用銀色金屬光澤上色效果，感覺得像真。

手槍 Hand Gun（ハンドガン）

手槍在細節部份高度重現，彈匣可以拆下不在話下，更有射擊後自動褪開嘅可動機關。

本機更附有武器掛架的整備架，相當豪華。

叫得初號機，點少得暴走哩個設定呀，提供一個二段可動嘅下巴，來吧，來吃我吧!

最後送上產品嘅影片同展覽實物嘅相片啦! 記得買返隻啦，唔係到時出又葡萄人有你無。

METALBUILD EVA-01 Test Type  初號機

發售日期：2019 年 2 月

參考價格：22,000円(未連稅)

資料及圖片來源：BANDAI SPIRITS

https://tamashii.jp/special/metalbuild/evangelion/