{ SKIP }
文:米  圖:互聯網
POSTED ON 14 Sep 2018

《刀劍神域外傳Gun Gale Online》係時雨澤惠一所撰嘅《刀劍神域》系列外傳小說,於2018年4月開始播放動畫。故事講述主角蓮係喺鎗與鋼鐵的世界《Gun Gale Online》一個人盡情遊玩嘅女性玩家,佢最喜歡可愛嘅事物,全身嘅裝備通通都係粉紅色,又喺遊戲裏務實咁鍛鍊同成長,累積咗強大嘅實力。後來因為遇到某件事讓蓮發現狩獵玩家嘅樂趣,終於被別人稱為「粉紅色的惡魔」。之後蓮遇到漂亮又神祕嘅玩家Pitohui,兩人意氣相投,佢喺Pitohui嘅建議下,參加組隊混戰嘅活動「特攻強襲」。

有睇《刀劍神域外傳》嘅巴打對蓮心愛嘅P醬絕對唔會感到陌生,雖然P醬呢個名得得意意,但其實係一把「FN P90」衝鋒槍,佢輕身又細小,而且容易瞄準,後座力低,可以提高命中率,結構簡單,而且仲可以隨時進行保養,絕對係蓮嘅愛槍。而之前MenClub都有同大家講過,日本一間氣槍公司MARUI早前就公佈,即將會幫P醬實體化,估唔到話咁快,粉紅P醬嘅實體版經已誕生喇!

由GGO外傳原作者時雨澤惠一以及協助槍枝設定嘅秋本こうじ一齊幫P醬進行監修,相信P醬實體版一定有返咁上下質素,實體版P醬有全自動(連續)以及半自動(單)切換功能,目前將於2018年9月19日開始開放預購,每一把售價39744日元(連稅),巴打們想買就要快啲入手!

早前介紹《通靈王》20周年紀念模型時,仲未有上色版同埋未有透露售價,苦苦等咗幾個月,終於等到「麻倉葉」&「葉王」模型開賣喇!
hobby
《通靈王》20周年紀念 「麻倉葉」&「葉王」模型終於開賣! ...
26 Sep 2018
《東京喰種2》預定2019年會上映,演員方面將會同《東京喰種》時嘅陣容有別?
hobby
預定2019年上映!《東京喰種2》真人版電影製作決定
25 Sep 2018