{ SKIP }
文:MenClub 波特先生  圖:互聯網
POSTED ON 20 Sep 2018

作為去年嘅新秀狀元,Markelle Fultz上季因傷只係為76人上陣左14場常規賽及3場季後賽,其中佢喺常規賽平均得分就只有7.7分,季後賽就更加只係取得1.7分,表現可以話暫時未對得起狀元嘅稱號。

而更令76人球迷沮喪嘅係,Fultz喺去年10月肩膀受傷,雖然喺賽季尾成功復出,但係卻發現佢嘅投射姿勢好似出現左啲問題,令人疑惑係咪佢嘅肩膀傷勢並未痊癒呢?點知令人驚訝嘅係,原來Fultz被確診患上「投籃失憶症」,就係完全唔記得左點樣投籃,所以佢嘅射姿先會變得咁奇怪。

既然唔記得點射,咁就令佢記得番啦!據消息指,喺76人上季賽季完結後,Fultz便隨即投入投籃訓練,喺訓練師Drew Hanlen嘅指導下呢位狀元每日練習投射1100球,而至今已經進行左132日,所以佢累積嘅投籃次數已經接近15萬次!

相信作為籃球迷嘅你一定記得漫畫《男兒當入樽》入面,主角櫻木花道喺擊敗陵南成功打入全國大賽之後,喺湘北與常誠高中進行練習賽期間,接受「老頭子」安西教練特訓,最終喺短短時間入面完成左兩萬球投籃,令本來完全唔識投籃嘅櫻木搖身一變成為擁有中距離投籃能力嘅球員。

睇見對投籃完全係門外漢嘅櫻木,喺完成兩萬球投籃訓練後有足夠嘅進步,作為NBA狀元嘅Fultz接近投左15萬球理應已經搵番投籃嘅感覺,特別係佢嘅肌肉相信已經重新記住投籃嘅感覺。

除左Fultz,有指2016年狀元Ben Simmons喺今個夏天已經開發出三分球能力,若果呢個消息係真,咁樣加埋內線怪物Joel Embiid及重新會投籃嘅Fultz,來季嘅76人實在令人萬二分期待!

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024