{ SKIP }
文:MenClub Mean娜  圖:MenClub
POSTED ON 16 Dec 2014
海洋公園每年聖誕都會有一番新搞作,吸引大朋友小朋友齊齊捧場。但近年啲聖誕Gimmick嚟嚟去去都係飄雪、亮燈、聖誕老人……太悶了吧?!Come On!香港人!畀啲新意思好喎!Fine~今年海洋公園就同你玩大佢,打造全港最大室內聖誕燈飾展「華麗聖誕燈海」,唔係淨係夜晚先有燈飾兇你,日光日白都要有幾百盞燈射住你,實行要睇到你眼都盲。不過~睇LED燈之前~先睇吓娜姐對車頭燈啦~咳咳!我指娜姐嗰對好似車頭燈咁大嘅雙眼呀!做乜諗嘢啫衰鬼~








話說呢個全新聖誕燈飾景區「華麗聖誕燈海」係成為香港最大型室內聖誕燈飾展,公園以數百萬顆環保LED燈飾,打造多個海洋公園標誌性景點,包括「大熊貓之旅」、「海洋奇觀」、「熱帶雨林」、「極速之旅」、「摩天巨輪」、「登山纜車」及近半百隻五彩繽紛動物大使,除了有10呎高嘅大嘴鳥外,仲包括海豚、企鵝、大熊貓、小熊貓、金絲猴、水母、鯆魚、鸚鵡等等,非常可愛別緻!








是次項目動用近百人的工作團隊,更請來日本資深燈飾設計師合作,只為了向遊人呈現一個前所未見的迷你光影世界,真係威過威威師令呀!不過要留意,「華麗聖誕燈海」只開放至明年1月4日,想影相嘅話唔好再拖時間喇!










除咗「華麗聖誕燈海」,傳統功夫當然一個都不能夠少,特別係嗰位好鍾意「呵呵呵!」咁笑嘅肥叔叔,真的不能夠沒有你~想見聖誕老人嘅話可以去「聖誕老人糖果屋」,聖誕老人同小精靈都會同大家合照~你仲可以喺香港老大街嘅零售店購買明信片,寫上心意祝福後到糖果屋蓋上「海洋公園聖誕紀念章」,投進特設於糖果屋內嘅聖誕郵筒,將心意送遞給親朋摰友。






咁今年海洋公園嘅聖誕樹又勁唔勁先?哈!少年啊!棵聖誕樹威到震囉!呢棵高達70呎嘅聖誕樹,打破海洋公園歷來之最,更係今年本港室外最高嘅聖誕樹,比往年的聖誕樹高出差不多一倍,晚上仲有「閃耀聖誕樹亮燈慶典」~




咁International嘅香港海洋公園,當然要搵返國際級巨星嚟撐場。影視名人「多啦A夢」萬聖節已經潮撐海洋公園,今年聖誕佢哋繼續合作,整咗個「多啦A夢神奇聖誕屋」,放滿禮物及繽紛佈置,既可同靜香一起彈琴演奏聖誕樂曲,更有機會與多啦A夢合照,很想要吧??(Er……我指你嘅小朋友:D )












由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024