從歷史嘅角度講，一個人未死，你都未可以評定佢嘅功果，所謂「未蓋棺又豈能定論」呢係咪？要評論一本漫畫同樣如是，君不見有幾多作品劇情發展峰迴路轉，但結局爛到沖落廁所都嫌嘥水(如幽X白書)；又不見有作品的劇情固然熱血激勵，但憑一個經典結局就升華至神檯級作品（如Slam Dunk)。所以要評論一本漫畫的好與壞，都要等到它壽終正寢的一刻！

由日本ガジェット通信網站主辦的「網友票選完結漫畫賞」，就為網民提供一個蓋棺定論的好方法。喺2014年間全日本總共有21本漫畫作品結束連載，咁究竟呢21部作品入面，有邊部又最受網民推薦呢？

銅賞：《81 Divers》 (ハチワンダイバー)

由日本漫畫家柴田ヨクサル於《Young Jump》上連載的作品，以日本將棋為題材，畫風相當特別。主角菅田健太郎是一名未能成為職業棋士的選手，從此只下賭棋，後來在與「秋葉原真劍師」兼女僕中靜楚夜對奕時，發現自己能夠實際「潛入」棋盤之中，故自稱「81 Diver (棋盤總共有81格)」。

2008年曾經改編為真人電視劇，由溝端淳平和仲依里紗出現。

順帶一提，我幫大家搵過下，貌似「布X」就係冇呢套嘢嘅……

銀賞：《火影忍者》（NARUTO -ナルト-）

劇情就唔使我多作介紹啦？15年來出咗72本單行本，睇住鳴門由一個吊車尾到成為火影、打鬥場面由2D格鬥「進化」為超級機械人大戰嘅地圖炮亂掃，可謂伴隨呢一代人成長的回憶。不過你放心，《火影》係「目前」蓋咗棺，我深信佢好快就會借屍還魂架啦，等多陣啦！

金賞：東京喰種

同樣於《Young Jump》上連載，作者為石田スイ。「喰種」是作者新造之詞，意為人型食屍鬼。主角金木研受到食屍鬼襲擊而需要進行器官移植，但移植的器官卻來自食屍鬼，於是改變了主角的身體…

不過值得一提嘅係續作《東京喰種:re》目前其實就連載中，嚴格上個棺蓋咗一本咋喎！

另外入選頭十名中、在香港讀者群中比較出名的仲有

第七名：幸運女神

由1988年起連載了廿六年的戀愛喜劇，換言之男主角森里螢一已經喺各種殺必死之中生活咗26年……都係時候比個解脫佢啦，唔係谷爆人哋咩……

第八名：All You Need Is Kill

由小畑健執筆，

改編自日本小說家櫻坂洋的同名輕小說，亦即係今年上映的電影《異空戰士(Edge of Tomorrow》的原作。全2冊。