{ SKIP }
文:MenClub 魏文青  
POSTED ON 05 Feb 2016
之前都有同大家講過,著名男士刊物《Playboy》由今年嘅三月號開始就會脫離「R17(美國審查級別,類似香港嘅III級)」級,成為一本老少皆宜嘅男士雜誌,具體啲講就即係以後都唔會再刊登裸女照!而呢本標誌住一個時代的終結嘅「三月號」,今個週末就會於美國發售。《紐約時報》就率先收到「搶先版」,仲同大家講解下新版同舊版嘅分別添!


《紐約時報》指新版《Playboy》同舊版嘅分別主要有兩點,第一就係大家最關心嘅「避免正面全裸」。就以三月號嘅「跨頁女郎(Centerfold)」為例,相中人係海明威(寫書嗰個,唔係唱《我的回憶不是我的》嗰個)孫女兼名模Dree Hemingway,不過有別以往硬橋硬馬將女性各身體部份裏裏外外都翻出黎供你過目,今次就改為「阿當與夏佳」主題嘅半遮半掩。據《紐約時報》形容就係「其中一張相中,她就飲一個剛被偷了衣服的人一樣,以雙手儘量遮著自己的身體。」淨係睇到「遮著」你就知道同以往好唔同啦--以前邊會遮架!

《紐約時報》亦指三月號內其他照片嘅風格都有所不同,比起之前極度著重燈光、後製,三月號嘅照片,包括Dree嘅相都係「無添加」。比較偏向由Terry Richardson帶起嘅無裝飾風格。

Playboy has published their first non-nude issue.

Posted by AskMen on Thursday, 4 February 2016


另一點就可以由三月號封面中睇出。一向「包膠」發售嘅《Playboy》從來唔會吝嗇於封面上擺上一個性感裸女,但今期嘅封面就係由Sarah McDaniel(疑似)自拍照,再配上Snapchat嘅文字。就咁睇你會覺得冇咩嘢,但當你知道Snapchat乃係美國年輕人(真.年輕人呀下,唔係啲三到尾都仲話自己係青年嘅人呀)最常用嘅通訊軟件,而《Playboy》改革嘅其中一個原因就係希望吸引年輕讀者嘅時候,你就知佢揀呢個主題係別有一番心意。

另外露骨嘅漫畫以及挑逗嘅廣告通通都唔見哂,《紐約時報》形容《Playboy》由1953年用起嘅「男士的娛樂」定位,已經消失得無影無蹤。新版《Playboy》雖然繼續有長篇訪問同著名作家嘅作品,但其實已經變成稍稍加甜嘅《GQ》或者《Esquire》。

New York Times
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024