宣傳片開頭都係以前嘅遊戲畫面,一邊睇一邊諗番起以前去鄰居屋企黐機打嘅日子,去到後面終於有新畫面。遊戲新畫面同以前分別唔大,事關得到《雙截龍》版權嘅Arc System Works,為紀念遊戲30週年,所以畫面會跟返以前任天堂紅白機時嘅8bit風格,高清畫面上玩起格遊戲確係一番感覺。為咗大家玩得更有回憶,開發團隊仲搵返原班人馬,由金子寶巨同岸本良久分別擔當製作人同總監,而音樂就由山根一央負責,所以宣傳片都會聽到遊戲嘅經典主題曲,好鬼熱血!遊戲將會喺2017年1月30日於PS4同Steam推出,下載價880yen。