{ SKIP }
文:MenClub 魏文青  
POSTED ON 05 Jan 2017
隨住年齡增長,我哋同以前細個嘅時候已經好唔同,例如我以前成日話唔同女仔玩,到大個咗咪被女仔玩囉!同樣道理(其實冇邏輯關係),以前玩開、覺得精美嘅玩具,今時今日再玩其實已經唔係嗰回事。所以我哋需要一啲「大人的玩具」——唔係!唔係咩飛機咩杯!嗰啲係「成人玩具」!「大人的玩具」係以下呢啲!


呢把劍大家應該都覺得好熟口面,因為佢係黎自大家細個一定睇過嘅「Go Go Power Rangers」恐龍戰隊入面嘅綠戰士嘅武器,正式名稱叫做「獸奏劍」。呢把劍係由「魂」旗下專出超精美擺設級產品嘅「TAMASHII Lab」出品,早前佢哋就先後出過《Ultraman》入面科學特搜隊嘅光線槍、會發光嘅《宇宙刊事》光劍,而「獸奏劍」就係第三彈,順手慶祝埋動畫播放25週年。


當然,當年都有出過「獸奏劍」嘅玩具,但叫得做「大人的玩具」,今次TAMASHII Lab出嘅當然唔係小兒科。首先係大小,全長46.5cm,幾乎係真實大小還原,第二係劍身上嘅金屬部份真係用返電鍍部件製成,斤以重量亦十足。另外仲有全新設計、中間有綠戰士嘅紋章(同樣係電鍍)。原作入面把劍仲係一支笛,綠戰士布萊就係靠吹響佢黎召喚「龍皇凱薩」,現實中佢就冇得吹,但有得播歌,仲有四首原作音樂。


呢把獸奏劍即日起於Bandai日本網接受預訂,售價為13500JPY (約900HKD),預計下年5月先出貨。另外Bandai仲會喺2月時播返原作第42集《布萊之死》,不過根據以往經驗,應該都係日本本土限定啦。






朗拿度呢個大名相信作為球迷嘅你又點會未聽過呀,不過請留意呢度講緊嘅朗拿度係已經退左役,人稱「外星人」或「大哨」嘅巴西9號仔個一位....
hobby
【傳奇球員】巴西最強9號 - 「外星人」朗拿度
22 May 2017
今日NBA東岸決賽黎到第三場,雙方移師到衛冕總冠軍騎士嘅主場繼績進行比賽。由於前兩場比賽騎士雖然作客塞軍爾特人,但係佢地卻展現出令人信服嘅統治力,最終作客取下二連勝... ... ... ... ... ... ... ... ...
hobby
【波係圓架】塞爾特人缺主力Thomas,卻成功絕殺騎士!!
22 May 2017