孩之寶上個星期喺香港舉行咗全球首個發佈會，會上公開咗亞洲限定嘅「領袖級Shadow Spark柯柏文」。今次呢隻「灰柏文」一改以往藍加紅嘅色調，幾乎全身都變咗做灰色，再加上一身戰損，相信就同佢喺宇宙中飄浮咗好一會兒有關。另外眼睛顏色都轉咗做紫色、再加上預告中佢竟然同BumbleBee打起上黎，難怪有人猜測佢今集會黑化。

而玩具本身就有20個變形步驟，可以由貨櫃車變形至機械人，亦有大劍同盾等武器。