{ SKIP }
文:李羅渣  
POSTED ON 16 Jan 2017


上星期講阿倫史密夫反應史無前例咁熱烈,睇嚟MenClub朋友都幾念舊,既然係咁,今次就不如再講多個失意天才,佢就係前巴西兼國際米蘭前鋒阿祖安奴。阿祖安奴畀大家最大嘅印象可能係Winning入面佢嘅「力量」同「射門」數值都有99,如果你係有返啲年資嘅玩家一定有用過。「國王」同阿倫史密夫一樣,效力嘅球會越黎越細,不過佢就無好似辣椒仔咁力爭上游。甚至喺美國第四級聯賽都留唔得耐,而家佢並無班落,近日仲喺社交網站表示自己嚴重超重,要重返球場已經無可能。



阿祖安奴身體質素固然好,不過擁有強壯身體嘅同時,佢技術亦非常全面,單刀遠射頭鎚罰球樣樣都有。由帕爾馬重返國米第一季,上陣16場已經入咗15球,當年24歲嘅佢已經係球隊首席射手。阿祖安奴表現下滑,係由06年世界盃後開始,之後一度被國米雪藏,2008年就被國米外借聖保羅,一開始表現都唔錯架,不過好咗一排又故態復萌,然後就開始國王嘅墮落之旅。



有時人要勇往直前,係需要有一個奮鬥目標,而阿祖安奴踢波最大動力就係希望令父親快樂,BBC曾經有一篇分析文章指阿祖安奴之所以自暴自,係因為04年時佢父親去世,令佢失去精神支柱。錢係搵到,不過父親離世令佢無哂動力,唯有寄情酒精同女人。曾經教過國際米蘭嘅摩連奴甚至表示擔心阿祖安奴健康問題--唔係出於領隊對球員嘅擔心,而係作為一個人嘅層面擔憂,可想而知問題有幾嚴重。生活欠缺紀律令佢體重一度上升至110公斤,無錯,係公斤。以前係大隻,而家係大份,一副中年阿叔嘅身形,想踢波只能去街場。



上年聖誕前阿祖安奴重返聖西路睇國際米蘭,見證舊東家3-0大勝拉素。不過阿祖安奴要真係「重返」球場,相信就已經無可能,畢竟已經34歲,即使而家勤加操練亦太遲。況且上年有傳阿祖安奴同巴西貧民窟犯罪組織Red Commond過從甚密,國王除咗接受佢哋經濟支援之外,仲懷疑有參加佢哋犯罪行動。而家嘅阿祖安奴,相信仍然要fans擔心,我哋都係期望嚟緊阿祖安奴生活愉快同生性做人就夠,。


李羅渣 (facebook page: https://www.facebook.com/leerogerfcpage/)

八十後、忠實曼聯球迷、唔忠實嘅愛華頓球迷、前網台節目主持、MenClub足球文章作家、演員

由懶到出汁變成泰拳愛好者

除咗足球最鍾意就係睇戲、睇書、飲兩杯

唔求發大達,最想成為有些少生活品味嘅偽文青。




由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024